Папулярныя біблейскія вершы з Varoma 5

Падзяліцца

Aniko, Txizimu txa hi kombisa lirando la txona, nguko Kristu a tumete ku hi fela athu hi di ngadi vaonhi.

Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.

Kha hi ti dhumisi ngu toneto tokha, aniko ha ti dhumisa kambe ni mu ka sikarato, ngu kuziva ti taku kuxaniseka ka ninga kuhonisela, kuhonisela kuninga kutsana sidukoni, kutsana sidukoni kuninga kuthemba.

Ngu toneto, ngako hi nga amukela wululami ngu kukholwa, hi ni kudikha ni Txizimu, ngu Mkoma wathu Jesu Kristu; awu hi nga mana kukholwa ka kateko yiya ngu mtamo wakwe, yona kateko yi hi ku nayo, ayi yi hi ningako kutsaka, na hi txi tsaniswa ngu txithembo txa wudhumo wa Txizimu.

Nguko mbimo yi hi nga ti sinzi kutsana, Kristu a fete vabihi ngu txikhati txiya txi nga ti vekilwe ngu Txizimu.

Se konkuwa hi nga ningwa wululami ngu kubasiswa ngu mnoha wakwe, ngu koneho hi fanelako kuthemba ti to hi na poniswa ngu ngene ka ditshiku da kuhenyelwa ngu Txizimu.

Ngu toneto, kambe, nga kuwa txieyiso txa m'thu mmweyo txi nga nyeta votshe vathu, kufana ni toneto, ngu kuengisisa ka m'thu wammweyo vavangi va na mahwa valulami.

Kambe hi nga toneto tokha, aniko kambe ha giya ngu ka Txizimu, ngu mhaka ya Mkoma wathu Jesu Kristu, awuwa hi nga mana kutshanganiswa ngu ngene.