Папулярныя біблейскія вершы з Matiɔ̌n 24

Падзяліцца

Kpni kukwǐ miǎ lɔ kmɔ̌ɔ mɔ̀le jǐba, tèǒ nì kɔn tè nyopò fòfoa miǎ nyopò tùu mǒ noɛnoɛ bɔ̌ba. Kɛɛ nyopòà ü miǎa tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.

Nyesoaa win kwa konkɔnʼɔ tuposà jajlo miǎ kmɔ̌ wùɛà dlǒ wɔ̀ba ɛ̈ di ɛɛ numa ɛ miǎ sàse tù keǒ nyopòà ü wɔ̌n nii mɔ̀ plě kmɔ̌à ɛɛ dlǒ chlɛ̀chlɛ tǐ miǎǒ nyni.

Ɛ seǒ mɔ̀ tmɔ a miǎ too slɛ̀ wɔ̌n plě a miǎ toe tìi tè wɔ̌n, kɛɛ aǎ be fano mǒ. Mɛ̌oǒ joo nɛ̀ moo imoǒ i kɔn bi kpalǎ tùɔn, kɛɛ ɛ̈ sěɛɛ̌la jè kmɔ̌ɔ dlǒ chlɛ̀chlɛ.

Dakwɛ̌ miǎ mɔ̀ wònwɔɔma, deplě miǎ mɔ̀ wònwɔɔ no. È dodopà miǎ kmɔ̌ mɔ̀ beba klee blǒ bɛ sèke bɛ beě bo ɛ miǎ ɛ numa klě tà wùɛ. Noǎ wùɛǒ nì moo sònwɛ jejeɛ̌ɛ wlò tùtuɛ.

Jɔ klee kmɔ̌à i miǎ bo wɛ̀ba, kɛɛ Ně winʼà i seǎ bo wɛ̀ kpe.”

Mɛ̌oǒ joo nɛ̀ moo nyopò fòfoa nù miǎě Ně nynɛ̌ wlòmo diiba, kě u miǎ dǎba ɛ̈ moo, ‘Ämoà ämo moo Nyesoaa Tentǎn Jǔ.’ U mǐǎ nyopò fòfoa mǒ boo lo.

Klě sònwɛ jě tǐǒ wlòmo nyopò miǎ a kmema, u miǎ a sònwɛ jeě le, u miǎ a le dedbǎa le. Tà a nɛ Mǒo de nɛ̀ kɔn tè nyopò wùɛ miǎ a faenma. Klě tǐǒ wlòmo nyopò fòfoa ü moo Něe mɔ̀ cheěn nyo u miǎ uu tè wlò popoɛ mǎma, u miǎ fonfae ne u miǎě be deměne sèsae le. Sen wnɔsàɔpo fòfoa nù miǎě diba u miǎ nyopò fòfoa mǒ boo lo.

È Jùsu tùia u kɛ̀ɛn Ɔ je, “A gbɛ̀ɛ le nyu tɔ̀ɔ ɔɔ̌ di a mǒ boo lo.

Tèǒ nì kɔn tè a wɛ̀ mɔ̀le tǐ wùɛ mɔ̀. Mɛ̌oǒ joo nɛ̀ moo tǐà a see Jbɛjuu Jǔà wlò tɔɔnma mu nì Ɔ miǎě jaba.”

Tèǒ nì kɔn tè a gbɛ̀ɛ aa chɛ̀. Mɛ̌oǒ joo nɛ̀ moo a se chnɛ̀ jlǒ waěǒ aa Koɔn Jùsu miǎ lěe diba ji.

È kě Jùsu dɛ̌a de Ɔ je, “Nyu wùɛ neɔɔ kmɔ̌ɔ mɔ̀ nɔ̀ se chnɛ̀ jlǒ waě klee tǐǒ kmɔ̌ miǎ dlǒ chlɛ̀ɛba ji, ɛ̀ sìnʼǒ Ně jɔkɛn Gbeǐi do. Najiǒpòo chɛ̀ǒ neě jɔkɛn u se i ji, Nyesoaa Jǔu chɛ̀ se i ji.

Mɛ kɔɔ̌n tèǒ joo nɛ̀ moo sen le tmɔ̌ tentǎn jlǔ klee sen le tmɔ̌ wnɔsàɔpo miǎ tà měne wǒba. U miǎ jboo noǎ fòe numa klee wlòlekaen noǎ ɛ̈ di ɛɛ numa bɛ̌ wɔ̀laě ɛ u miǎ Nyesoaa nyopòà Ɔ sà lěe mǒ boo lo.

Mǒ Jbɛjuu Jǔà Ně de didiɛ miǎ je wǒba keǒ Nòwǎa tǐ nuaa. Plě jijǐ něǒ bɛ mǐa jǐ, nyopò wùɛ dia digbaǐ ǔ nɛ̌a nmɔ, jbɛjlu kwɛnʼa nyno plě nynejlu kpɛɛa tǐnma le, ɛ kpala ɛ kpa chnɛ̀ jlǒ waěǒ ɛ̌ nyniaǒ Nòwǎ palaě blǎgbè wan. Nyopò sea i ji ɛ̈ moo jijǐ ně miaě diba ɛ̌ kpala ɛ kpa jijǐ ně jǐa ɛ̌ kpala uu wùɛ. Bɛ̌ nu bo Jbɛjuu Jǔà Bɔ̌ diǎ le, dɛɛ doǒ nɛ̀ ɛ miǎ numa.