Папулярныя біблейскія вершы з APOCALIPSIS 10

Падзяліцца

Pea séptimo angelya oja baasa' quijje ohua miacajeahuajo Eyacuiñajjiya ojaya ejjashahuabaquijjicuana ma ohua yahuajo ojo chacochacoaninajecuana, ma oja esohuihuohuijji poacuana pea-ai bameecapoa huisotii ajeyocaje'yo” jama huohuipomeya ma ángel poanaje.

Majotii nequiya ma angelya eya huohuicanaje jama ba'a: “Esohui eyacua ma Eyacuiñajjiya miya quijje bameecaje huisotii ae poaje quijje pea meshijo ba'ecacuana, peajaajjicuana ma queahueshanee jaacacuana, pea esohuijo mimiani cuana, emeshimesecuana pea-ai miyaya huohuiquicue.”

Majoya aje eyaya pea ángel queaca'anee eyajje nequioqueje botejjee jjacahuihuibaquiani jayojja aniya banaje. Oja sapabiajje oe eshijje jaanaje. Ojaya ecojja queajijisajajanee poanaje eshequi queasajajanee poani jama. Ojaya equise o miji pea-ai cuaquijijiqui jayojja nequinaje.

Jamajjeya eyaya ma ángel nequiyasijje poquimajje oya huohuiajjañaquinaje jama ba'a: “Quiacue mo papenisisi miquea emejo nequi.” Ma angelya eya saja-acanaje jama ba'a: “Ma-aje papeni. Ijjiacue. Queabiquianee ijjiaje joya ecua huinina' queabiquianee poani jama. Quijje ca queapasenee poaje miquea see-aijo ba'e.” Majoya eyaya papenisisi angelja emejo nequi jjeshemajje ijjianaje. Queabiquianee ijjianaje joya ecua huinina' queabiquianee poani jama. Majoya queapasenee ecuea see-aijo ba'enaje.