Папулярныя біблейскія вершы з FILIPENSES 3

Падзяліцца

Jesosaja epeejji ecue dohuecuana jjo'icuana, eya jjabaquiajja Eyacuiñajjija esohui jayojja ba'epoquianitii. Bacue, eya jjashahuabaquiani jama ba'a: Ma eya oja esohuijo chacochaconaje yahuajo a'a queapame, a'a queapame pojjeama eya majotii jjashahuabamajamajaquiajja, pajea'yonaje. Jjeya caca eya queaca'a nequipoquisaneipoani Eyacuiñajjija esohui jayojja eba'epoquijjitii. Jiquio ecua dejja cuajicuajineineiani aquiana queapame ejjeshejjijo jamaya eya chacochacotiisapoani Eyacuiñajjijo. Majoya oja quia quijje jjesheje eya queapame chacochacopoquinaje sosejje. Eyacuiñajji yahuajoneitii jjashahuabaquianiapoa ese jama equiajjijo Jesosa Quitoja'yo poaje bamajje. Jesosa Quitohua eseya ba'etiitiimeecaje'yo onijje Eyahuasijje.

E'ejojonei eya Quito basaneineipoani achajja oya nequiani onijje ejjapeequipoquijji. Eya queaca'a posapoani ma ecua Eyacuiñajjiya Quito shequimeeca'yapoa jama pea-aiya eba'epoqui'yojji eyacua. Ma ecua Quito queaneenee queacamaja acapoa cuaa jama pea-ai eya posapoani. Ma ecua Jesosa acui ecuiata'apeejo ba'e mano'yapoa jayojja eya mano'yonaje onijjetii jjabaquisapoani ecueanei ejjashahuabaquijji eatiipoquia poanijje. Majoya eya queabihui jjaishoaquipoquije ache pojjajo eya emano'yo jaa ohuaya shequimeecaje'yo onijje e ba'etiitiipoqui'yojji.

E'ejojonei ojjaña ma eya ba'epoquiapoa Moisesja tehuecuana jayojja eyanei queapame poani jjabaquijji, hebreo dejja epojji cuaya pea-ai ecuea nahueama'yo jjeya. Achepamenee Emeshimesenei Jesosa Quito poani jjeya eyaya ba'yaña queapamenee onijje ejjapeequipoquijji. Ecuea oya queanahuenee, pea esohuicuana ca ecuea nahueama'yo. Jamajjeya ojjaña ma ebionei ecuea ejjashahuabaquijjicuana eyanei queapamenee epoaje poso cajaa anaje Jesosa Quitojo queapame eyacua eba'epoqui'yojji. Ma yahuajo ecuea ejjashahuabaquijji poa ca eyaya jjeya ba'yaña peajja, shabo jayojja.

Ma esohuicuanajo eya queapame epoaje poso jjabaquipoquiapoa eyanei ejjabihuiaquijji, Eyacuiñajjija eyanei queapame poani ebajji nisho pea-ai. Jjeya ca coma eyaya ba'yaña peajja jayojja, nahueama. Jesosa Quitojo queapame eyacua eba'epoqui'yojji jjeya ecuea queanahue'yo.