Папулярныя біблейскія вершы з JUDAS 1

Падзяліцца

Miquianaya ca jama pea-ai pojjeama'yo. Queaca'a oe tiipoquicue Eyacuiñajjija esohui queapamejo. Cua Edojjoshahuapameya miquiana jjashahuabameequicanijo Eyacuiñajjinijje mimipoquicue jamatii pojjeama.

Eyacuiñajji ese nahue'yojji poani ejjabihuiatiiquipoqui. Ohuaya oenei queaca'aneetii nequipoquianiya quiana jaahuanacapoquiani queamimishi epo-o'oya poanijje. Ohuaya quiana mimishima'yonei nequimeecaje o ani cojjaneijo queaca'aneetii poaniyajjejojoya. Majotiiya quiana ma o queasajajanee anijo queabihuineetii nequipoquije'yo onijje. Eseja Emeshimesenei Jesosa Quitoja bajjanijo Eyacuiñajji ese nahue'yojji poani bihuiacapoquijjitii quianaja. Eyacuiñajji queaca'aneetii queacojjasajajanee nequipoquianitii. Ohuaya eojjañacuanamese poaniya ojjañajaajjicuana huoojeacapoquianitii. Chama'neinei pea oya jayojja queaca'aneetii poani. Oya Eyacuiñajji ojjaña eseja etii nequipoquiani. Jamaya oya yahuajoneitii poa. Jjeya pea-ai oya jamaya nequipoquiani queaca'aneetii. Quijje pea-aiya oya jamaya nequipoquijetii. Eyacuiñajji jamaya bihuiacapoquijjitii ojjañacuanaja.

Eyacuiñajjijo queaja'a ba'epoquianiya miquiananijje ba'ecacuana queajeanee apoquiacuetii e'ejojonei, siajje pojjeamaa. Eseja Emeshimesenei Jesosa Quito poeo'oyajjijo oe jjaishoaquipoquicuetii. Jamajjeya ohuaya eseya ba'etiitiimeecaje'yo onijje Eyahuasijje ojaya eseya queajeanee poanijojoya.