Папулярныя біблейскія вершы з HEBREOS 9

Падзяліцца

Jamaya Quito emano'yojji oenei jjaquiaquime poa ojjañacuanaja mimishicuana cuijea'yojji. Majoya quijje oya poeje o'oya mimishi cuijea'yohua pojjeama. Quito ca poeje o'oya ojjaña joya ojo queabihui jjaishoaquipoquiani huisotiicuana dojo'yohua oja nahue'yocuanaya.

Ehuonecuanaja ena' queapamepishana poa. Jama poani bamajje Quitoja ena' queapamenee queaca'anee pea-ai bacajji quianaja. Edojjoshahuapame eshetii nequipoquianiya Quito queaca'anee pomeecapoa ejjaquiaquijji mimishima'nei nequi Eyacuiñajjija emanomee'yojji ojjañacuanaja mimishijo. Quitoja enaa mimishi eseja sapajo ehuanaquehua jaacuana chama'yo acani, cuijeaca'yani. Mimishijjitii ba'epoquimajje Cuaqui-aiyasijje poquije'yo mano'yomajje. Eseya mimishima'yo queaboejea pomeecajje chacochacocapoquijji se Eyacuiñajji eshetii nequipoquianijo.

Oya jayojja pea-aiya ojjaña jiquio meshijo ba'ecacuana oenei mano'yome poaje. Majoya quijje Eyacuiñajjiya oja mimishicuana ja'anei huohuicaje'yo o queaneenee pomee'yojji.

Eyacuiñajjija quia esohui Moisesja tehue jama poani beshahuanei ojjaña aquianacuana o bihuiajji yajji queaboejea pomeecajji enaa. Eyacuiñajjija equi-aijo chacochacopoquianicuana pea-ai queaboejea pomeecajji enaa. Jamajjeya mimishicuana cuijea'yoajja ena' cuayaquijjimajo.

Jamajjeya Jesosa Quitohua pea esohui eyacua ese Eyacuiñajjija'yo epojji yecapoa jjaquiaquimajje. Oya mano'yapoa ma ebionei oja quia esohui eseya mi-ajeyopoajojoya mimishicuana cuijea'yojji. Ojjaña ma Eyacuiñajjiya iyaacanaje huisotii cuaa jjeshecaje oja quiacuana quijje Eyahuasijje ojaya'yo poaniyajjejojoya.