Папулярныя біблейскія вершы з HEBREOS 1

Падзяліцца

Oja Bacuaejja jjabameequipoquianitii esejo oya Eyacuiñajji jayojja pea-aiya queaca'aneetii nequipoquiani. Oya queapameneetii queasajajanee pea-ai popoquiani. Ohuaya oja esohui queaca'aneejo ojjaña oja panacuana eyatahuatahuajo nequi jiquio meshijo ani pea-ai queapame nequimeecapoquiani, oyatii pojjeama. Ojjaña eseja mimishicuanajo oya mano'yapoa Eyacuiñajjija ese mimishi cuijea'yojjijo. Jama apoa ajeyomajje oya anioque'yapoa joya queaca'aneetii poanija ebañeimijijje Eyahuasijje.

Yahuajoneinei Eyacuiñajjiya oja ejjashahuabaquijjicuana oja sohuihuohuijji poa dejjacuana bameecapoquiapoa queahuiso esohuicuana. Maya ma esohuicuanaya eseja etiiquiana queashequiajahuiso huohuimajamajacapoquiapoa oja esohuihuohuijji poa dejjacuaa. Jjeya ca Eyacuiñajjiya oja Bacuaejjajo Quitojoya oja ejjashahuabaquijjicuana queaja'a huohuicani eseja queaja'a bajji. Eyacuiñajjiya ojee oja Bacuaejjanijje nequiya ojjañajaajjicuana ba'ejji meshi queaquemo panacapoa. Jamajjeya ojjaña oja panacuana meshijo ani, eyatahuatahuajo nequi pea-ai Quitojatiiya poaje quijje huohuicapoa Eyacuiñajjiya.

Bacue, ojjaña angelcuana yamima' poani Eyacuiñajjijo chacochacopoquiani. Ojjaña joya oja bacuacuana oja nahue'yo poani huisotii asahuaa Eyacuiñajjiya oja angelcuana huoojeacani majoya.

Eyacuiñajji jama pea-ai poa oja Bacuaejjanijje ba'a: “Yahuajonei miyaya Emeshimesenei nequiya meshi queaquemo eyatahuatahua pea-ai panapoa. Majoya quijje ojjaña mique panacuana oe poaje'yo, eanitiitiipoquijji pojjeama. Miya caca oe nequitiitiipoquije, oe epo'yojjitii pojjeama. Mique panacuana jiquio ecua daqui chiichiipoqui'yani jama pea-aiya poaje'yo ojjañacuana.