Папулярныя біблейскія вершы з GÁLATAS 6

Падзяліцца

Jamajjeya se oe a'a hueyahueya-ajjajji queaja'a eba'epoquijji. Queapametii oe ba'epoquicue. Majoya Eyacuiñajjiya ese queabihui pojji quiacaje quijje ese queaja'a ba'epoquinaje sosejje. Jiquio ecua dejjaa esejja'yo queaso'huiso ishoacani jama pea-aiya eseya poaje.

Jamajjeya oe jjeya, quijje pea-ai ojjañatiicuana queapame apoquiacue. Esenijje Jesosaja epeejjicuana ca oe queapamenee apoquiacue pea-ai oya Eyacuiñajjijo eseja familia pea-ai poanijojoya.

Joya miquiananijje ani Jesosaja epeejji queayeno poajo ojaya queacamajanee poeajo pea-ai asahuacue. Jiquio ecua dejjaa pea dejjaja aquiana queabiquie abosahuacani jama pea-aiya pea asahuacue. Jama pomajjeya miquiaaya ma Quitohua huohuicapoa esohuiya queapame apoquiaje oya jayojjaya.

¡A'a queaquehua jjashahuabaquijji! ¡A'a jjadasiaquipoquijji! Eyacuiñajji caca jjadasiameequiajjanei. Jiquio eshe ba'eya cua eseya apoquiaña echacojjicuana Eyacuiñajjiya bacanitii. Jiquio ecua cua dejjacuaa eso' banacani quijje oya jayojja sejjaca'yani oya jjajjaya jama pea-ai se ba'eje. Eyacuiñajjiya achajja eseya ba'epoquiani bacani. Eseya queaja'a ba'epoquiani bamajje ese queabihui pojji quiacaje quijje Eyacuiñajjiya. Eseya queamimishitii ba'epoquiani bamajje se ca queanee pomeecaje ma sosejjeya.

Ojjaña joya ojayanei ejjashahuabaquijjijo queamimishi ba'epoquianicuana ca'a-ama poaje esohuijo, becacuana ca manoje'yo. Jamaya oya poaje'yo ojaya eba'ejjijo. Ojjaña joya Edojjoshahuapameja ejjashahuabaquijji ajji poanicuana ca ba'etiitiije'yo Eyacuiñajjinijje. Jamaya oya poaje'yo ojaya eba'ejjijo.

Jesosaja epeejjicuana, bacue. Miquianaya oe Jesosaja epeejji queamimishi poani bamajje onijje mimiquicue joya Edojjoshahuapamejo jjashajja-ajjaquijji poaniya. Onijje mimiquije o queaja'a jjashahuabameequio'oyajjijo. Queapame oe onijje mimiquicue queneama. Joya oque poquije Jesosaja epeejji poani coma dejjaya jjajaahuananeiquicajji oya jayojja pea-ai queamimishi epo poanijje.

Joya oyanei queaca'a poani poso jjabaquijji comacuanaya queaquehuanee jjashahuabaquiani. ¡Oyaneitii jama poani ca coma ca'a-ama! Jamajjeya oyatii jjadasiaquiani. Ojjaña Jesosaja epeejjicuana jjabaneiquicajji ojaya eba'ejjijo achajja oya ba'epoquiani. Joya queaja'a ba'epoquianicuana queabihui pocajji ojayanei eba'ejjijo. Peacuana a'a queahueya, a'a hueya-ama baca-ajja. Jamajjeya ojayanei echacojo queabihui ba'ecapoquijji oya. Ojjaña Jesosaja epeejjicuanaja oja echacojjinei queaja'a ajeyocapoquijji Eyacuiñajjijo.