Папулярныя біблейскія вершы з EFESIOS 5

Падзяліцца

Miquianaya Eyacuiñajjija bacuacuana poani ojaya queajeanee. Jamajjeya oe Eyacuiñajji poani jayojja pea-ai posaoepocue. Jiquio ecua se Quitohua queajeaneetii acapoquiani jama pea-aiya oe peacuana queajea apoquiacue. Oya Quito esejo jjaquiaquiapoa emano'yojji ese nahue'yojjijo. Ma ecua yahuajonei ovejaja bacua naa jehuica'yapoa Eyacuiñajji quiajji, jama pea-aiya oya jjapomeequiapoa. Quito manoje'yo onaja quia edahuashiye jama Eyacuiñajjiya queabihuiya oya bacapoa.

Jamajjeya quiana oe jjajaahuananeiquipoquicue ojjañajo. A'a jamatii ba'ejeapoquijji queasapaquehua jama. Queaja'a oe ba'epoquicue. Jjeya quiana ca chacochaconeicapoquijji Eyacuiñajjijo miquiananijje ba'ecacuana queamimishica'atii popoquianijojoya.

A'a quiana oe huoojji. Coma cachasaaya quiana queamimishihuisonee pomeecaje. Eyacuiñajjija Edojjoshahuapamejo ca oe queaca'a jjapomeequipoquicue. Majoya miquiananijje ba'eca Jesosaja epeejjicuananijje mimipoquicue Eyacuiñajjija esohui Salmos bajjanijo. Sohuicuayapoquicue ojee dejjaja tehue Eyacuiñajjija esohuijo. Emeshimesenei e'ejojonei bihuiapoquiacue queaquijijjibihuiya. Eyacuiñajji Echii-ai bihuiacapoquijjitii, gracias acapoquijji ojjaña aquianacuanajo. Eseja Emeshimesenei Jesosa Quitoja bajjanijo onijje mimipoquicue.

A'a jamatii ba'epoquijji sapadojjoma' jayojja. Baneicue cua Emeshimeseneiya quiana ameesa-acani echacojji queaja'a miquianaja eajji.

Yahuecuaa, miquianaja huanasecuana queajeanee apoquiacue. Jiquio ecua Quitohua oja epeejjicuana ojjaña meshijo ba'eca ejjachichaquipoqui queajeanee acapoquiani jama pea-aiya oya queajeanee apoquiacue. Bacue, oya Quito jjaquiaquiapoa emano'yojji ese nahue'yojjijo.

Miquianaya yahuajo meca quea-aapo jayojja ba'epoquiapoa. Jjeya ca quiana ca Emeshimeseneinijje ojee nequi'yo bacani Eyacuiñajjiya ojaya'yo. Miquianaya queaja'a po'yonaje ojo. Jamajjeya joya ecua dejja epojjajo queaja'a jjabaquiani jama pea-aiya ba'epoquicue epojja jama queaja'atii.

Bacue, miquiananijje ba'eca Jesosaja epeejjicuanaja esohuijo jjashajja-ajjaquipoquicue. Majoya miquea esohuijo pea-ai oya jjashajja-ajjaquipoquije. Jamaya se ba'ecapoquijji Quito eseja Emeshimesenei poanijojoya.

Ehuanasecuana, miquianaja yahuecuanaja esohuijo oe jjashajja-ajjaquipoquicue jiquio ecua Emeshimeseneija esohuijo jjashajja-ajjaquipoquiani jama pea-aiya.

Jamajjeya ecuea esohui shajja-ajjacue. Ojjaña miquiaaya Jesosaja epeejji poaniya miquianaja huanasecuana queajeanee apoquiacue. Jiquio ecua miquianaja eyaminei quiaa nahuebapoquiaña jama pea-aiya oya queajeanee apoquiacue. Ehuanasecuaa, miquianaja yahuecuana queapame nequi mi huoojeajji poani bapoquiacuetii.

Eyacuiñajjija esohui yahuajonei etehue jaa jama poani ba'a: “Jamajjeya dejjaa oja chii, oja nae pea-ai jiñacaje jjahuanaquimajje oja huanasenijjenei eba'epoquijji. Oya oja huanasenijje oe eyami jayojja ba'epoquije, beca pojjeama.”

Joya ecua dejjacuana meca quea-aapo jayojjatii ba'e jama pea-aiya a'a ba'esapea-aipojji. Jiquio ohua quehuajje queamimishi epojji acani ja'anei huohuica'yojji oja mimishi.