Папулярныя біблейскія вершы з मरकुस 10

Падзяліцца

किजोकि मैन्हेरू मट्ठू, यानी अवं एस दुनियाई मां एल्हेरेलेइ नईं एवरो कि कोई मेरी सेवा केरे, पन एल्हेरेलेइ एवरोईं कि अवं होरि लोकां केरि सेवा केरि त कने बड़े लोकां केरे लेई अपनि जान बलिदान केरि, ताके तैन अपने पापां केरे सज़ाही करां छुटकारो मैल्हे।”

यीशुए तैन केरे पासे तेकतां ज़ोवं, “मैन्हु अपने आपे न बच़ेइ सकन, यानी मुक्ति हासिल न केरि सकन, पन परमेशर एन केरि सकते, किजोकि परमेशर सब किछ केरि सकते।”

तैखन यीशुए तैस सेइं ज़ोवं, “तू गा। तीं मीं पुड़ विश्वास कियूं एल्हेरेलेइ अवं तीं बझ़ाताईं।” अकदम तै लहंने लगो त कने यीशु पत्ती च़लो।

एल्हेरेलेइ ज़ैना परमेशरे ज़ोड़ोरेन, तैन्न कोई मैन्हु अलग न केरे!”

तैखन यीशुए तैस तेकतां तैस सेइं प्यार कियो, त तैस सेइं ज़ोवं, “तीं मां एक्‍की गल्‍लरी कमी आहे। गा, ज़ैन किछ तीं कां आहे तैन बेच़तां गरीब मैन्हन दे, तैखन तीं सुर्गे मां खज़ानो मैल्हेलो। तैल्‍ला पत्ती, एइतां मेरो चेलो बना, त अपनु क्रूस छ़ुइतां मीं पत्ती च़ल।”

तैखन यीशुए तैस पुछ़ू, “तीं कुन लोड़ते कि अवं तेरे लेई केरि?” काने मैन्हे जुवाब दित्तो, “हे गुरू, अवं लहंनू चाताईं।”

पन तुसन मां एरी ज़ेरि गल न लोड़े, पन ज़ै कोई तुसन मां बड्डो बन्नू चाए, त तै निकड़ो बेनतां तुश्शो सेवक बने।

अवं तुसन सेइं सच़ ज़ोताईं कि ज़ै कोई परमेशरेरे राज़्ज़े निकड़े बच्‍चेरू ज़ेरू कबूल न केरे, त तै परमेशरेरे राज़्ज़े मां कधी भी दाखल न भोइ सके।”

पन बड़े मैन्हु ज़ैना हुन्ना पेइले आन, तैना बादे मां पत्रोवं भोनेन। त ज़ैना हुन्ना पत्रोवं आन, तैना बादे मां पेइले भोनेन।”

पन दुनियारी शुरुआती मां, ज़ैखन परमेशरे मैन्हु केरि रच़ना की, तैखन तैनी तैना मड़द ते कुआन्श बनेवरेन। एल्हेरेलेइ, ड्लाहेरे पत्ती मड़द अपने हाज-बव्वे करां अलग भोइतां अपनि कुआन्शी सेइं साथी रालो, ते तैना दूईये अक्‍के जान भोल्हे।” तैल्‍ला पत्ती यीशुए ज़ोवं, “एल्हेरेलेइ तैना हुनी परमेशरेरी नज़री मां दूई नईं, पन तैना अक्‍के आन।