Папулярныя біблейскія вершы з लूका 9

Падзяліцца

फिरी यीशुए तैन सेब्भन ज़ोवं, “अगर कोई मीं पत्ती एजनो चाए, त अपने आपेरो इन्कार केरे, ते रोज़ अपनु क्रूस छ़ूए ते मीं पत्ती च़ले।

किजोकि ज़ै कोई अपनि जान बच़ानी चाते तै तैस गुवालो, पन ज़ै मेरे लेई अपनि जान गुवालो त तै तैस बच़ालो।

यीशुए तैस सेइं ज़ोवं, “ज़ै कोई हल्‍ली पुड़ हथ रेखतां पत्रोवं फिरतां तकते, तै परमेशरेरे राज़्ज़ेरे काबल नईं।”

मैन्हु अगर सारी दुनिया हासिल केरे, ते अपनि जानरो नुकसान केरे, या अपनो आप गुवाए, त तैस कुन फैइदो?

किजोकि अगर कोई मैन्हु मीं करां त कने मेरी गल्‍लन करां शरमाते, त मैन्हेरू मट्ठू यानी अवं भी तैस करां शरमालो। ज़ेइस अवं अपने बाजी केरि महिमा सेइं साथी त कने पवित्र स्वर्गदूतन सेइं साथी वापस एज्जेलो, त तेइस अवं तैस करां भी शरमालो।”

यीशुए तैस सेइं ज़ोवं, “लौई केरि कुढां ते अम्बरेरे च़ुड़ोलू केरे आल्हे भोतन, पन मैन्हेरे मट्ठे यानी मीं कां कोई ठार नईं ज़ैड़ी अवं झ़ुल्‍ली सेखी।”

ते अपने चेलन सेइं ज़ोवं, “ज़ै इस बच्‍चे मेरे नंव्वे सेइं कबूल केरते, तै मीं कबूल केरते, ते ज़ै मीं कबूल केरते, तै मेरे भेज़ने बाले कबूल केरते। किजोकि ज़ै तुसन मां निकड़े करां निकड़ोए तै सेब्भन करां बड्डोए।”