Папулярныя біблейскія вершы з लूका 3

Падзяліцца

ज़ैखन सब लोक बपतिस्मो नेने लोरे थिये त यीशुए भी बपतिस्मो नियो, ते ज़ैखन तै प्राथना लगोरो थियो केरने, त एरू भोवं कि सुर्ग खुल्‍ली जेवं। ते पवित्र आत्मा कबूतरेरी शक्ली मां यीशु पुड़ अव ते अम्बरे मरां ई आवाज़ अई, “तू मेरू ट्लारू मट्ठू आस, अवं तीं पुड़ बड़ो खुश आईं।”

त यूहन्ना तैन जुवाबे मां तैन सेइं ज़ोवं, “अवं त तुसन पैनी सेइं बपतिस्मो देताईं पन ज़ै मीं करां महाने तै एजनेबालो आहे। अवं तैसेरो गुलाम बेनतां तैसेरी जुट्टी केरे तसमे भी खोलनेरे काबल नईं। तै तुसन पवित्र आत्माई ते अग्गी सेइं बपतिस्मो देलो।

बस्सा, सज़ाही करां बच़नेरे लेई तैना कम्मां केरा, ज़ैन सेइं पतो लग्गे तुसेईं सच़्च़े पापन करां मन फिरावरोए। ते अपने-अपने मने मां एन न ज़ोथ कि, अब्राहम ज़ेन्च़रे इश्शो बाजीए, किजोकि अवं तुसन सेइं ज़ोताईं कि परमेशर इन घोड़न मरां अब्राहमेरे लेई औलाद पैदा केरि सकते।

ते हुन्ना त बुट्टां केरे ज़ीलन पुड़ परमेशरेरो मैक्‍कु रखोरोए, एल्हेरेलेइ ज़ै कोई तैस बुट्टेरो ज़ेरो भोते, ज़ै रोड़ो फल न दे, तै कटनोए ते अग्गी मां छ़डनोए।”

ज़ेन्च़रे यशायाह नेबेरी किताबी मां लिखेरूए, “सुनसान ठैरी मां फुकारने बालेरी आवाज़ एइचे कि, ‘प्रभुएरी बत बनाथ ते तैसेरी बत्तां पेट्ठी केरा।’” “डुग्घी ठारां सैरी भेरोई गैनिन, हर अक पहाड़ ते च़ौढ़ु बिछ़ड़नोए ते ज़ैना ट्लेढी बत्तन तैना सिद्धी केरनिन ज़ैना उन्ढी उबरिन तैना पेट्ठी केरनिन। ते सब लोक तैस हेरेले, ज़ै परमेशरे तैन मुक्ति देने भेज़ोरोए।”