Папулярныя біблейскія вершы з Mbete Luk 5

Падзяліцца

Ke ɔh sɔk ɓayu bale, ke el ɓah hi̧ Simuri ɓahri : « Simu, mú loh ke kumbon ma gel a ɗih-u, í vbu kȩke fa̧hra mbih dale, i mgbá nzuy wara. »

Mí Simu ɓahri : « Ŋgernzuk, ke suŋay nah ta̧h ke fa̧hra mbih kpu̧ru tipele teh na kpoh. Nzuy mbew kari-ay kara nah mgba ya dih. Mí ɓayu ké mu ɓah ra le, nah vbú kȩke ɓay wo. » Ku vbu kȩke ɓil mbih wara mí ku te nzuyri ɓa ŋgi̧-u mbah kȩke tuɓ tuɓ hi̧ kȩke-u ƴo gɔhna.

A ye ba, ke tɔr si gel ké nzukri ta ri ya, mí ke ƴo ɓah ɓay ziŋ Ŋgerzah ke hȩk ye.

Mi gi ɓay nzukri ké ƴo tul mbete bolkusol Ŋgerzah ya. Wara le mi gi ɓay ɗi nzuk suyari ɓay kú mbi law ké tul suya woyri ma fal el kan law tul Ŋgerzah. »

Simu Piyer ko kaŋ ba, ke el huk pol Zezu ɓahri : « Ŋgernzuk, í loh ké ta̧w bi ɓa ɗih-u ɓay fe le, mi ɓa nzuk a suya-u. »

Mí Zezu fer nzak woyri ɓahri : « Nzuk mun gahnari si seh dɔkta ya. Nzuk senari mí si seh dɔkta.

Ku el ke kumbon woyri dah ɓel sew. Mí ku poŋ fe woyri gbam el dih fal Zezu.

Zezu ka̧h puh luki a hani bale, nzuk ndɔɓe mbew ƴo ri. Ndɔɓe ra kum ni gberek gberek. Ke ko Zezu, mí ke si guɓ siɓa ké pol ye. Ke vuh ɓahri : « Kɔkrɔya. Ŋgernzuk, ŋgerna woiri mah gah ndɔɓe bi-ay hi̧ mun bi teh. Le saŋna-si gel kani Ŋgerzah ɓay lu ké tul bi. » Zezu ndar ndɔk mí za nzuk ndɔɓe ra, ke ɓahri : « Mi yih. Ful-si gel kani Ŋgerzah ɓay dim ni ɓá ƴo ri. Mú teh wara. » Sa gelaw mí ndɔɓe ye gah poŋ ni.

Mí mberem fe laɓna Zezu ya̧ gel par par. Daɓa nzukri ɓa ŋgi̧-u gi fal hani fal hani ɓay lah ɓay ye pi, ɓay ziŋ mun gahna pi.