Папулярныя біблейскія вершы з OBUCHACHILO 45

Падзяліцца

Ne bulano shimulebeelelela abeene mbu shiochila mwangusia yino tawe. Okhuba Nyasaye niye owandeera yino kho mbu, eranjilile okhwitsa mana ehonokosie obulamu bwabandu.

Kho shimuli inywe abanzimisia yino ta, nebutswa ni Nyasaye. Ne Nyasaye wayakhola okhuba omukhalabani omukhongo womuruchi, khandi omwami khubomunzuye, khandi omulondi womuruchi weshialo shia Misiri shiosi.

Kho Nyasaye yanzimisia isie imbeli wenywe kho mbu, emuhonokosilie inywe omusikalo khushialo, khandi mbu, emuhonokosilie abandu abanji abokhulwibulo lwenywe.

Kho Yosefu naboolela abasiani babwe ari, “Emusaaya mbu, musitekhwo hambi ninasi,” mana abasiani babwe nibasita ahambi. Mana Yosefu nababoolela ari, “Isie nisie omusiani wenywe Yosefu, owa mwakusia Misiri.

Okhuba inzala yabeele mushialo emiyika chibili chino, ne khulwa miyika chindi chirano chilondakhwo, okhulima noho kata okhuchesa shikhulabaho tawe.

Mana Yosefu naboolela abasiani babwe ari, “Nisie Yosefu, papa wanje ashili mwoyo noho?” Nebutswa abasiani babwe shibanyala okhumukalusia likhuwa ta, shichila bali nibaliilwe ling'ang'a imbeliwe.