Папулярныя біблейскія вершы з OKHURULA 32

Падзяліцца

Ne olwa abandu balola Musa nashindile okhukholomokha okhurula khushikulu natoonyileyo oluhono olurambi, bekhung'asia halala nibaboolela Haroni bari, “Chama okhukaasilie omunyasaye bwangu oulakhwimilila injila. Shichila omusaatsa mbu Musa, owakhwimililenje injila okhurula Misiri, shikhumanyile eshiamwikholeshe khwo tawe.”

OMWAMI Nyasaye naboolela Musa ari, “Kalukha bwangu hasi weshikulu abandu ba wemilila nobarusia Misiri bachachile okhwonoona khandi banzikanile. Bamalile okhurula khunjila ya ndabalaka okhulondangakhwo. Bakaasiye eshifwanani shieshimoosi shisaaluulwe okhurula khutsahabu mana bashinamiile nibashikholela emisango nibaboola bari, ‘Uno niye omunyasaye wefwe owakhurusia Misiri.’

Kho Haroni niyombakha eshimalilo shiemisango imbeli weshimoosi shieitsahabu eshio nende okhuboolela abandu ari, “Mukamba nakhube nende lisabo liokhwinamila elia OMWAMI Nyasaye.” Inyanga yalondakhwo mumabwibwi, barera emiruko chisambwe shinga omusango omusambe nabo abandi nibarera echindi mbu chilibwe shinga omusango khwokhwikhoya. Ne abandu bandi bekhala hasi okhulia nokhunywa, ne nabo abandi nibachaaka okhushina nokhwilasia nibaheya.

Inyanga yalondakhwo Musa yaboolela abandu ba Isiraeli ari, mwakholile eshionoono eshibi eshikhongo muno. Nebutswa ndalakalukha khandi ewa OMWAMI Nyasaye. Ahundi Nyasaye abamubeela obwonooni bwenywe buno.