Папулярныя біблейскія вершы з OKHURULA 20

Падзяліцца

“Nisie OMWAMI Nyasaye, Nyasaye wenywe, owamurusia inywe mushialo shia Misiri, ewa mwali abahambe. “Shimulenamilakhwo abanyasaye bandi ta, habula Isie sienyene.

“Shimulekaasiliakhwo eshifwanani eshibaatse, noho eshifwanani shieshindu shiosi shiosi eshili ikulu mwikulu noho eshili hasi mushialo, noho eshili mumaatsi akali hasi weshialo tawe. Shimulabiinamila kata okhubikhalabanila ta, okhuba isie OMWAMI Nyasaye wenywe, endi Nyasaye weimbalikha, ne ehelesinjia abalanzenyanga eshinyasio, okhuula khulwibulo lwabwe lwakhataru nende lwakhane.

Helesinjia papawo nende mamawo oluyali kho mbu, oyindile mushialo shiekhuhelesiye.

“Witsulilenje okhwahula inyanga yeisabato nochikhola okhuba indakatifu.

“Shioletsubila eliira lianje butswa ta, okhuba isie OMWAMI Nyasaye Nyasayewo, ndalahelesia omundu yesi yesi owitsubila eliira lianje butswa eshinyasio.

Mutsinyanga tsisasaba, okholelenjemwo emilimochio chiosi. Ne inyanga yomusafu niye Isabato eya OMWAMI Nyasaye Nyasayewo. Khunyanga eyo, shiolakholakhwo omulimo kwosi kwosi ta, iwe omwene, kata omusianiwo, kata omukhaanawo, kata omusumbawo weshisaatsa, kata omusumbawo weshikhasi, kata emirukochio, kata omucheni owamenya ewuwo.

“Shiolekomba inzu yowashio noho omukhasi wowashio, kata ing'ombeye, kata isishiliye kata eshindu shiosi shiosi shiowashio ali ninashio tawe.”

“Shiolachiikha owashio ta.

“Shiolaheya ta.

“Shiolera ta.

“Shioleba ta.