Папулярныя біблейскія вершы з Iáno 4

Падзяліцца

Devél isyn dúho (fáno), i kon mangelape Léske, trej te mangélpe, syr podphenela Léskiro Dúho (Fáno) dro čačipén.”

Ne javéla, i akaná javdiá časo, kiéli čačuné devlýtka javéna te den patýv pir dúho (fáno) i čačipén, pal-dová so adasaven devlytkonen rodéla Péske Devél Dad.

Ne kon javéla te p'jel paní, savó Me dáva léske, odová na javéla te kamel te p'jel saró viéko; a paní, savó Me dáva léske, jačéla andrál manušéste ĥanyngasa vaš dasavo paní, savó lydžála dro viéčno džiibén.”

Isúso phendiá dro otphenybén láke: “Kóli tu džinesas, so Devél déla i Kon odová isyn, Savó rakiréla túke: “De Mánge te pjáv,’ tedy tu kokori mangesas Léstyr, i Jov délas túke džidó paní.”

Isúso rakiréla lénge: “Miro xabén isyn te keráv vólia Odoleskiri, Kon bičhadiá Man, i te keráv Léskiro réndo.

Džuvlý rakiréla Léske: “Mro Rajo! Túte nane sósa te pheres paní i ĥanýng isyn xor: Katýr Túke te les džidó paní?”

Džuvlý rakiréla Léske: “Me džinóm (džináv), so javéla Miesija, ĥáda, isyn Xristóso; kiéli Jov javéla, tedy Jov saró rosphenéla aménge.” Isúso rakiréla láke: “Ĥáda, Me som Kodová, Kon rakiréla túsa.”

“Džán, dykhén Manušés, Savó phendiá mánge saró, so me kerdjom, ci na Jov isyn Xristóso?”