Папулярныя біблейскія вершы з A Bolokiana 16

Падзяліцца

Raru mo viti kwara, “Ko hauhuri lo Hugwe* i Jisas vae kona ahi, i nigo mana nomu vakabela vake.”

Lo livukai-bongi i Pol mai Saelas raru tiutangaroa raru mo toko kaho a bolo na kaluhakiana lakwai God. A tangaloi ratuaki vake eia hi rau hugu lolo ingwa na gwarugwaru ramo toko rongohurirarua. Heheriki a ruru lakua mo vanamai, mo kiluki na ingwa na gwarugwaru hi u kilukinia vaki evina. Hikani a katama ramo matakahi, a tangaloi savia lolo ingwa na gwarugwaru hi a kaigwaruga ramo visoviki tiura.

Vunu mo tomuakirarua tivarea mo uduhuri kirarua mo viti “Rakairua. ?Na vai kworoho vae nana ahi?”

A kaitagahuri na ingwa na gwarugwaru hi mo rada, mo tagai na katama na ingwa na gwarugwaru hi rau matakahi, u domi kwara a tangaloi hi ramo hugu lolo ingwa na gwarugwaru rau ahi vunu, mo hau ruruhi na nona bue na vuro u vai kwara ne ahi mateia sibona. Vae i Pol mo suria karakara mo viti “Ko hatu vai bulakikinigo sibomu. I kami vunu hike radu nga.”