Папулярныя біблейскія вершы з APOSTOLO MAGA 2

Падзяліцца

Go Petero e noa ki da, e naga, Kuga midoakidoa, po pei tea bapetisoana sara naata kakamu pae nagisa ni Yesu Kristo paki namidoakikorokoroana ni namarinaleosaana animu maga; go kuga wo dape navituam̃olikiana ni Naatana Tapu.

Go eu doko mau doko navasapiseikiana ki apostolo maga go nasaisaipeaniana, natova‐p̃oraebred‐ana go natapasavasaana maga.

Go eu pura puti ki Naatana Tapu, po pae asa pasa ki namena p̃ota maga, dakiusi waina Naatana e dua ra naga euga vasa lagi.

Go m̃araverave nasaruruana sikai e pae nakoroatelagi umai, e dakiusi nasurataana ni nalagi atu sikai, go e pakavuro usuraki nasum̃a waina eu doko asa. Go namena maga waina eu darana, dakiusi mena ni nakapu, eu pakilina ki da; go e sake puti ara. Go eu pura puti ki Naatana Tapu, po pae asa pasa ki namena p̃ota maga, dakiusi waina Naatana e dua ra naga euga vasa lagi.

Go sara naaleatia eu doko mau doko nasum̃a tapu nap̃op̃oda sikai maau asa, go eu dova p̃orae bred nasum̃a adeada, po gani navinaga adeada nap̃op̃oda laelaea po pei lomau, eu do samasamani Sup̃e, go narei mamau eu saup̃ia ki da. Go Nawota e sokari ra sara naaleatia tea maga waina eu do pei tea mautipauriana.

Go ega wo doko naaleatia edaku maga, Sup̃e e noa e, Aga wo daki kovai Naatagu paki sara nap̃okasi: Go natumu naanoai maga go natumu nagoroi maga euga wo pea noa sai, Go natureai animu maga euga wo punusi navunusiana maga, Go tea matua animu maga euga wo p̃erea ki nap̃erea maga

Go tea maga mamau puti waina eu saralomau eu doko mamau tokora sikai maau, po mari naleo maga mamau puti eu p̃olosi ra; go eu sori natano veaniana adeada maga go naloriki adeada maga, po p̃otae dua tea maga mamau puti asa, e pataka ni waina te naata e pe vei tea tika.

Go ega wo doko naga sara naata waina euga wo pioso paki nagisa ni Yehovah euga wo pei tea mautipauriana.

Elo ega wo panop̃ota po pei namaligo, Go atelagi ega wo pei nada, Ega wo pea ki naumaiana ni naaleatia ki Yehovah, Naaleatia warua go ni namatakuana