Папулярныя біблейскія вершы з Aniroomi 8

Падзяліцца

Yâ yẹ ka avaba ịsa ana àa mẹ, vị oni Ohomorihiī mẹ ka ọ̀ vị ọyịza yị aza ene sì ịrẹyị anị; ọnọọ vị ka aza ọnị ọ sị hị́, anka ọ mẹ̀ mẹ eto anị.

Mâ yẹ kaakara ka yèe sú, yàa va yàra, ẹ yị nyị ịsị ẹ zụ sị yị hụụ ịdị Ikirisiti. Anggẹẹrị nịnị ọnịrị ori nịnị ana nyị ụkata beri ịsa ọyaanị, ọ̀ọ vị ịsa ịrẹma ụhwọọ, ọ̀ọ daka vị ẹbẹẹba, àa vị eku, àa vị ịsa tụra ịsa anaa mẹ, ẹ yị nyị ịsị ẹ vaa sị yịị hụụ ịdị Ohomorihi ana sị zụ̀ yị ini oze Ijeesu Ananyị yị Ohinọyị ọnị ọ nyị ka ọ̀ dọ yị há, ka oni ô sì ịrẹyị ayị.

Ụhwẹ Ohomorihi raa gụ ẹyị ẹnẹ ẹ̀ yị nyị ụkata ụvọ. Yẹ yị yara mẹ̀ aduwa, a mẹ̀ vọrọ; agụvị avọọ Ụ́hwẹ Ohomorihi ọnị ụvọta aa dá ịpẹẹ yị Ohomorihi yị nị. Ee tì ana ahịka irenu ọ yị zụ kà.

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Booro aanị, we si oo re nịnị ka ọza ọ yị kụkụ zụ jị ịvị yị ọza ọnị ọnịrị Ijeesu Ikirisiti sị vị ọnya.

Ọza ana àa sị ayị tụ́ ịnị ịsa ọnị ọchẹngụ anị sì kẹnẹ, isu aa za a ịrẹsụ nị. Ama ọza ana àa sị ayị tụ́ ịnị ịsa ọnị Ụhwẹ Ohomorihi sì, vaa yàra obooro, dị ọ rẹ nyị ẹngwọọrọ.

Ịnị avaba ịrẹyị ẹnẹnị, ọza ene sì ịrẹyị ayị, aa mẹ ka yaa nyị ẹbẹẹba saka-saka.

Mâ yẹ kaakara ka ụya ọnị yaa rị booro aanị, ẹ yị nyị ịzị o vee tù ụbanyị oni Ohomorihi sị tịtẹ yị.

Sị ẹ zụ sị yị hụụ ịdị Ikirisiti, ana maanị sì ịrẹyị ayị aanị? Ayodu wáá yọ? Ẹngụkata wáá yọ? Àa daka sị ụya rị yị, dị ụngwẹ aa kụ̀ yị, dị yẹ̀ yị kụkụ nyị ịta kú ẹngụ nị, yẹ yị vaa hụụ ịdị Ikirisiti ene sì ịrẹyị ayị. Ịrẹyị asigiri ọ̀ọ daka vẹ, à vị ka daa sị ụhwọ ka àa sịị wụ yị, yẹ yị vaa hụụ ịdị Ikirisiti.

Ohomorihi anaā zama ayị avaba azaa re, ọ rẹ yẹ ịsị ẹ yà ịnị ayị Ụhwẹ Anị, agụvị ka Ụhwẹ Ohomorihi aa dá ịpẹẹ yị Ohomorihi agụvị aza Ohomorihi, anka Óhomorihi mè sì ọ.

Avaba aza ana àa zẹẹ ka Ụhwẹ Ohomorihi ọ̀ọ sị oze zụ̀ ẹnị, ẹnị ẹ vị ezi Ohomorihi nị.

Aza ana aa mẹ̀ ebira anka ọchẹngụ ẹnịnị mè sì, vị ana sị ayị tụ́ nị ịsa ọnị ọchẹngụ ẹnịnị òo sì kẹnẹ. Ama aza ana raa mẹ̀ ebira anka Ụhwẹ Ohomorihi mè sì, vị ana rẹ sị ayị tụ́ ịnị ịsa ọnị Ụhwẹ Ohomorihi sì kẹnẹ.

Ohomorihi ẹnẹ ẹ̀ yị hyakụ sị Ozi anị ụvọta-ụvọta tẹ yị, ộ na a vọ ka ò sú yị avaba ayị. Ọza ana na aa sị Ozi anị ụvọtaa yị, si u ro ka ọ yị kụkụ zụ sị yị ọọhẹ kẹnẹ?

Ụhwẹ Ohomorihi ộ dọ ayị ayị ivenu ka ezi Ohomorihi ị vị nị. Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

Ọza ana àa sị ayị tụ́ ịnị ịsa ọnị ọchẹngụ anị òo sị kẹnẹ, ọnịvị Ohomorihi aa vị nị. Iruvo ọ vị ka ọ yị vaa mẹ̀ ịsa oni Ohomorihi ọ̀ọ mẹ ọda anịị yọ; ọ yị hyakụ aa zụụ mẹẹ bẹẹ.

Avaba ịsa oni Ohomorihi tụ́, ee zí eyi ka ịhị Ohomorihi ana sị ụbanyị ezi anịị zụ̀.

Yâ yẹ ka vi ve tù ọyaanị, avaba ịsa oni Ohomorihi tụ́, vị ene ee tì, dị ẹ yà ịnị ẹngụkata anka ọnẹẹ ana aa barẹẹ avọọ.