1
Aniroomi 5:8
IWE ỌNỊNỊ
EBTP
Ama Ohomorihi ọnị ộ sị zụ ka oni ô sì ịrẹyị ayị ẹtẹẹtẹrẹ. Ẹ́yị mẹ̀ yị daka vị ọnịvị, dị Ikirisiti ve sú yị ẹyị nị.
Параўнаць
Даследуйце Aniroomi 5:8
2
Aniroomi 5:5
Yàa nyị ọyịtureyi, ụhị ọ yị vaa nyị yị, agụvị ka Ohomorihi ộ mẹ̀ ka ya yẹ, o meme sì ịrẹyị ayị ini oze Ụhwẹ Ohomorihi ọnị ọ sị tụ ịnị ayị ayị.
Даследуйце Aniroomi 5:5
3
Aniroomi 5:3-4
Ẹ yị vavọọ kẹnẹ, ị raa jẹ ịrajẹẹ tụ́ ịnị ụya ọnị yaa rị aanị bẹẹ, agụvị ka yâ yẹ ka ụyọrị vị anaā mẹ ka ọza ọ̀ zụ sị ẹngụ dọ ịrẹyị. Yàa zụụ sị ẹngụụ dọ ịrẹyị, ọ vaa mẹ ka yaa vịra. Yàa sị vịra, dị yaa nyị ọyịtureyi.
Даследуйце Aniroomi 5:3-4
4
Aniroomi 5:1-2
Óhomorihi mẹ̀ raà jị ịhị yị agụvị ka yâ sị ayị tụra aanị, ya sị ẹngwọọrọ nyị beri Ohomorihi ini oze Ijeesu Ananyị yị Ohinọyị oni Ohomorihi nyị ka ọ̀ dọ yị ha. Agụvị ka yâ sị ayị tụra Ijeesu, ọ raà mẹ ka ya va yẹ́ ayamva Ohomorihi. Ịnị ayamva Ohomorihi ọnọọ ị yà dị ị kụkụ aa sị ịrajẹẹ tụra eyi ka ị vaa nyị tụ́ ịnị ụbanyị Ohomorihi nị.
Даследуйце Aniroomi 5:1-2
5
Aniroomi 5:6
Ịnị ụmẹ ọnị yẹ̀ yị zụ gụ ẹngụ ayị ụvọ, Ikirisiti ộ vẹ, di o ve sú yị ẹyị aza edivi ịnị ụmẹ oni Ohomorihi nyị nị.
Даследуйце Aniroomi 5:6
6
Aniroomi 5:9
Agụvị anya oni o si che sẹ ẹtẹ o mè sú, Óhomorihi sị jị ịhị yị booro aanị nị. Yâ yẹ ka ọ hyakụ vaa dọ yịị háa hụụnị ọyịkụ anị ịnị ẹkụhị ọdịrẹma.
Даследуйце Aniroomi 5:9
7
Aniroomi 5:19
Ọza ịnya ọ mẹ akamawụ, dị ọ mẹ ka aza ọrụrụ-ọrụrụ ana vọ ẹ̀ vị ọnịvị nị. Avọọ gẹdẹ-gẹdẹ ọ́za ịnya ana wụ́ ịrẹyị chire Ohomorihi ọnị mẹ̀ rẹ mẹ ka Ohomorihi ọ̀ jị ịhị yị aza ọrụrụ-ọrụrụ nị.
Даследуйце Aniroomi 5:19
8
Aniroomi 5:11
Ẹ yị vị avọọ kẹnẹ, ọ mẹ̀ vị. Ohomorihi ọ raà mẹ ka yaa mẹ ụbanyị agụvị Ijeesu Ananyị yị Ikirisiti, ọnị ọ mẹ ka ẹyịrị Ohomorihi ọ̀ varẹma ze nị.
Даследуйце Aniroomi 5:11
Стужка
Біблія
Планы чытання
Відэа