Папулярныя біблейскія вершы з Ẹtore 5

Падзяліцца

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

Di eyee nowuu kà a ka: Ozi atẹmẹ ọnọnị ana a vịdị wụ, ộ hụ ọọ dọ ụkata ẹtẹẹtẹrẹ ọnịrị ụbanyị beri ịrẹyọyẹ. Ộ nyị ụkata. Á vọrọ ka àa sị ụbanyị ọnịrị igirima beri ụgaa yọ!

Wa raà nyị wa ka ẹ̀nyị tụ́ ịnị ịjọva Ohomorihi. Dị ẹ̀ rẹ yà anka ohirẹsụ irehi Ohomorihi, dị ẹ̀ẹ hẹkẹ Ohomorihi ayị, ẹnịnị rẹ vaa rị ohinọyị ịnị ẹhẹ.

Dị mị rẹ wụ́ ka avaba ịsa ana yà ẹbẹẹba, ọnịrị ẹhẹ beri ịsị ẹ yà ini eku, ọnịrị avaba ịsị e hi ini òkū, avaba ịsa saka-saka aa kà a ka: Ọza ana yaayịtẹ ịnị aga ohinọyị, ọnịrị Ozi Atẹmẹ ệ nyị ụkata. Â vọrọ ka àa sị ụga ọnịrị ụbanyị beri igirimaa yị wa pooro zịna-zịna!

Dị ọnya ịnị azọkụ ẹnẹẹ kà a mị ka asị mị rẹ̀ jị òrèrè nị. Ọ kà, Re, Idu ana hụrẹ ovwoovu Ijuda vẹ, ana vị ozi Idevidi, ọ raà nyị ehuna. Ọ zụ hụ̀ ịsa ịhịmba ana a sị vá iwe ọnọọ, dị ọ hụ̀ iwe ọnọọ.