Папулярныя біблейскія вершы з Anihwiripi 4

Падзяліцца

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

Ịjọnọọ Ohomorihi vaa sị ẹngwọọrọọ wụ nịnị, ana ahịka ẹ yị nyị ọza ana zụ yẹ, ọ mẹmẹ yà. Ẹngwọọrọ ọnọọ vaa mẹ ọyịza ẹ yị ayị awụ ọnịrị ariro awụ nịnị agụvị Ijeesu Ikirisiti.

Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

Ma zụ mẹ avaba ịsa ini oze ụkata oni Ikirisiti aa sịị yị mị.

Waa jẹ nịnị ụmẹ tụra ụmẹ agụvị Ananyị yị. Me re tenyi ọ kà, mị ka waa jẹ nịnị.

Ohomorihi amị vaa sị avaba ịsa oni wee sìi yị wụ nịnị, agụvị ka ọ́ọ nyị ịsa ẹtẹẹtẹrẹ ana nyị ụbanyị tụ́ ịnị ụvọ Ijeesu Ikirisiti.

Ịrẹyị ọnị mị raà sị zụ̀ wụ nịnị, di mi reè si chire wu nịnị ụvọ, dị ụ wụ́ ọọ hụụnị irenu amị nịnị, di u re re, m màa mẹ̀ ẹ nịnị, ẹwụ nịnị ọ̀ rẹ vavọọ mẹ̀ ẹ. Ohomorihi anaā sịị ẹngwọọrọ yị ọza, vaa yàa beri ewu nịnị.

Sị zụ̀ avaba aza nịnị ka waa nyị ebira hẹẹ nịnị. Ananyị yị aa vaa vẹ.

Máa yẹ ịsị aā hị́ ka ọza ọ̀ nyị ịsa. Ma rẹ yẹ ịsị aā hị́ ka ọza ọ́ yị nyị ịsa gwẹtẹ. Aha tụra aha ọnịrị ụmẹ tụra ụmẹ, ụngwẹ ọ̀ọ kụ́ mị di mee re osiye nị, ịnẹ ọ̀ọ rẹ va há mị dị nyị ịsa gwẹtẹ nị, ma sị ọ kọ ịsa a vọrọ ka maa mẹ̀.

Ẹ yị vị ka m maanị aa kà a agụvị ka mee re osiye nị. Ọ sị mị yẹ ẹngụ ka ọpa ịsa ọnị maa nyị ọ̀ hụ mị.