Папулярныя біблейскія вершы з Ijemiisi 1

Падзяліцца

Ẹwụ nịnị ẹyịnyara amị, waa jẹ nịnị ụmẹ ana àa sị zama wụ nịnị re ini oze irenyi-irenyi. Wáa yẹ ka àa zama ẹdọwụ awụ nịnị re, ọ vaa mẹ ka ayị awụ nịnị ọ̀ nyị ụkata hu avọọ.

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

Ẹwụ nịnị ẹyịnyara amị oni mi sì, tamayị ọsọnị nịnị: Ọzọza ọ̀ọ wụ́ ịrẹyị, ama asị ụ zẹẹ ka ịrẹyị òo juntuu hụrẹ wụ nịnị irenu. Asị u re juntu kụ́ ayị nịnị.

Ama vavọọ yị jẹẹ geri-geri pooro nịnị, asị ụ zizi, agụvị wa nyẹngụ gụ ini oze tụra oze nịnị. Asị a nyị ebira ozoza ana vẹtẹ ọnị ụ wẹ̀ yị nyị nịnị.

Asị u vene ẹngụ awụ nịnị, dị ahịka ụ waa wụ́ ịrẹyị ọnọọ kẹnẹ nịnị nị; wa rẹẹ mẹ̀ ẹ nịnị bẹẹ.

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ọza ana àa wụ́ ịrẹyị Ohomorihi kẹnẹ, dị ọ̀ yị sị mẹ̀ ụkọrọ nị, vị ọ sị mẹẹ ọza ene ee re ẹngụ anị ini ore avọọ nị; o me yi re ẹngụ anị, dị ọ hụụ ịzọọ kẹnẹ, ayị oo hí ọ, ọ́ yị kụkụ tamayị ịsị o véné.

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

Àa nyị ọza ana a zama re ka ọ̀ mẹ ịvị, asị ọ kà a ka Ohomorihi ọ vavọọ zama ọnị re nị. Ẹ́ yị nyị ịsị ẹẹ̄ zama Ohomorihii re ka ọ̀ mẹ odivi. Ohomorihi ọnị ọ mā rẹ zama ọza re ka ọ̀ na mẹ odivi. Ariro odivi aza oō vene wa ka ẹ̀ na mẹ̀ ịsa odivi nị.

Ọdọwụ ana vị onosiye ọ̀ọ jẹ agụvị ka Ohomorihi ọ raà kà a hịrẹ.