Папулярныя біблейскія вершы з 2 Anịtẹsaronika 2

Падзяліцца

Asị ụ zẹẹ ka à nyị ọza ene vene wu nịnị ini oze ọnyọọnyị o. Ẹkụhị ọnọọ ọ́ yị vaa vẹ ne tù ụmẹ ana aza ọrụrụ-ọrụrụ vaa và ịrẹma Ohomorihi, dị ọza ọnọọ anaā jịnẹ avaba ọda ọ̀ sị ẹngụ anị tụ́ ẹhẹ. Ọnị ọ vị ọza ene vee vú ẹtẹẹ tụ́ ini ẹkụra nị.

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị ana Ananyị yị sì ịrẹyị anị. Ohomorihi ọ nyị ẹwụ nịnị tịtẹ hụrẹ ụmọrụmọ ka ọnị ọ̀ dọ wụ nịnị há nị. Ọ́ vavọọ mẹ ini oze Ụhwẹ Ọnịnị ana vara wụ nịnị ọnịnị ọnịrị ka wâ dọ ịzẹyịza wụ́ nịnị.

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.

Ijeesu Ikirisiti Ananyị yị ụvọta ọnịrị Ohomorihi Ada ayị ée sì ịrẹyị ayị. Ệ vayị ka ya nyị ayohunẹnẹ pooro zịna-zịna, dị ya rẹ nyị ọyịtureyi tụ́ ịnị ịsa ene zoza. Ẹnịnị ẹ̀ navọ ẹ̀ sị ayị awụ nịnị hunẹnẹ, dị ẹ̀ mẹ ka wa nyị ọtụtụrụma, dị ụ wa zụụ mẹ̀ ebira ozoza, dị ụ wa rẹ zụụ kà ịrẹyị ene zoza nịnị pooro!

Agụvị avọọ dị Ohomorihi tụ́ ịsị ẹẹ̄ sị ọzaa nyeeyi saka-saka, agụvị dị ẹ̀ kụkụụ dọ ịrẹyị ireche kẹnẹẹ wụ́ nị.

Ọza odivi ọnọọ vịdị vaa sị ụkata Echuu vẹ, dị aa sịị mẹ̀ ụkọrọ ịvọpa ọnịrị ohyozirenu ireche. Ịnị ịsa odivi anị, ọ vaa sị irechee vene aza ene vee vụ ẹtẹ. E vee vu ẹtẹ kẹnẹ, agụvị ka ẹnịnị e yi sì ịrẹyị ịzẹyịza, ana zụ mẹ ka à yaanị dọ wa há.

Ịsị ẹẹ̄ mẹ ka ọza ọ̀ jịnẹ avaba ọda o si nyima aa mẹ̀ ụkọrọ da, ama aza ẹyị yẹ. Ama ẹ́ yị nyị ịsị ọ vaa mẹ, àyị vị ịhị ọza ana sị ụvọ jị ọ oze, ọ̀ọ raà sị ụvọ kwooze.