1
2 Anịkọrịntị 4:18
IWE ỌNỊNỊ
EBTP
Ye yi si eyi ayị tụ́ ịnị ịsa ọzaā sị eyii re. Ịsa ọza ọ̀ yị mā sị eyii re i si eyi tụ́ nị. Agụvị ka ịsa ọzaā sị eyii re vị ana yà yị ụmẹ chee kẹnẹ, ama ịsa ọza ọ̀ yị mā sị eyi re, vị ana yà pooro zịna-zịna.
Параўнаць
Даследуйце 2 Anịkọrịntị 4:18
2
2 Anịkọrịntị 4:16-17
Agụvị avọọ, o yi du eyi. Ọchẹngụ ayị ọ̀ọ daka ee bo, ama ẹhẹ ọnị Ikirisiti, sị yị vị ana aa vara ọwọọwa eyinị-eyinị. Ụya kiiki ọnị yaa rị ụmẹ chee aanị, vaa sị igirima vaa yị. Igirima ọnọọ vị ana vaa yà pooro zịna-zịna.
Даследуйце 2 Anịkọrịntị 4:16-17
3
2 Anịkọrịntị 4:8-9
Ịrẹyị irenyi-irenyi ee tù yị, ama ẹ yị nyị ẹbẹẹba ayị. Ayị ayịị̄ vaa zi, ama ye yi hụrẹ eyi. Aa sị ụyaa rị yị, ama Ohomorihi o yi yi yị tịtẹ. Ịjị ẹnyị e si yi hú ẹtẹ, ama ye yi vu ẹtẹ.
Даследуйце 2 Anịkọrịntị 4:8-9
4
2 Anịkọrịntị 4:7
Ẹyị ọnịsa obooro maanị yà ịnị ayị anị aanị, ẹyị vị ana sị mẹẹ anka ụnọkọ ụvụ-ụvụ kẹnẹ. Ọnọọ ọ sị zụ̀ ka Ohomorihi ọ nyị ụkata ọnọọ nị, ẹ yị vị ẹyị.
Даследуйце 2 Anịkọrịntị 4:7
5
2 Anịkọrịntị 4:4
Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.
Даследуйце 2 Anịkọrịntị 4:4
6
2 Anịkọrịntị 4:6
Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.
Даследуйце 2 Anịkọrịntị 4:6