Папулярныя біблейскія вершы з 1Ipita 5

Падзяліцца

Sị avaba ariro awụ nịnị chire Ohomorihi ụvọ, agụvị ka ọ́ọ sị ịrẹyị awụ nịnị tụ́ ịnị ayị anị.

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị. Jẹẹ geri-geri nịnị ịnị ẹdọwụ awụ nịnị, asị u si oze yi Echu nịnị. Tamayị ka avọọ ọdọwụ ana vọ avaba ẹhẹ ẹnị mẹ̀ raa rị ụya nị.

Agụvị avọọ, kà ẹngụ awụ nịnị chi ọvịdị Ohomorihi ana nyị ụkata, agụvị dị ọ̀ sị wụ nịnị tụ́ ẹba ịnị ụmẹ ene èe zée eyi.

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.