Папулярныя біблейскія вершы з 1Ipita 1

Падзяліцца

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu. Ị rẹ vaa dọ ẹyịza oni Ohomorihi sị tẹ tụ́ ịnị ihinẹba yị aza anị. Ẹ yị nyị ịsị e zụ du ẹyịza ẹnẹẹ vụrụ-vụrụ, ẹ yị ma rẹ sa.

Agụvị avọọ waa jẹ nịnị, wàa daka aa rị ụya nịnị ọyaanị agụvị ẹzamare irenyi-irenyi. Ụmẹ chee ụ́yọrị ọnọọ vị nị. Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

Ohomorihi ana hị́ wụ nịnị, vị ọnịnị; agụvị avọọ, ẹwụ nịnị ọ̀ rẹ vị ọnịnị ịnị avaba ebira awụ nịnị! Â chẹrẹ ẹ tụ́ ini iwe Ohomorihi ka Ohomorihi ka: Vị ọnịnị nịnị, agụvị ka ẹmị vị ọnịnị.

Waa wụ́ ịrẹyị chire Ohomorihi nịnị, asị ụ kụkụ sị ẹngụ yị ịsa edivi ọnị ụ vịdịị mẹ nịnị, ịjị ụ wẹ̀ yị yẹ Ijeesu Ikirisiti nịnị.

Agụvị avọọ, tenyi ayị awụ nịnị, dị ụ wa ẹ sị ụvọ za ẹngụ awụ nịnị! Sị avaba ayị awụ tụ́ ịnị ẹyịza oni Ohomorihi vaa sị yị wụ nịnị, ịhị Ijeesu Ikirisiti ọ̀ọ sị ẹngụ zụ̀.

Avaba aza vị ana sị mẹẹ anka avị avọọ Uzoza ọza vị ana sị mẹẹ anka ododo avị Ịjị avị ọ̀ọ sị wụ̀, dị ododo anị wọ̀rọ̀ va ha. Ama ịrẹyị Ohomorihi Ananyị vị ana yịị yọ pooro zịna-zịna.