Папулярныя біблейскія вершы з 1 Anịkọrịntị 2

Падзяліцца

Ama áa vịdị chẹrẹẹ tụ́ ini Iwe Ohomorihi ka, “Ịsa ana ahịka ẹ yị nyị ọza ene re da, dị ọza ọọ̀yị sị ụtọ wụ́ ọọ, dị aza ẹ yị hyakụ sị ayị nọ ịnị anị, ịsa ẹnẹẹ Óhomorihi reè tenyi tịtẹ yị aza ene sì ịrẹyị anị nị.”

Ama ọza ẹnẹ ẹ̀yị nyị Ụhwẹ Ọnịnị, ọyị zụ dọ ịsị Ụhwẹ Ọnịnị ị̄ sịị yị ọza. Ọyị zụ yẹ ịsa ẹnẹẹ, ịrẹyị kẹnẹ-kẹnẹ ọ vị yọ nị. Ụhwẹ Ọnịnị kẹnẹ ọ zụ mẹ ka aza ẹ̀ yẹ ụbanyị ịsa ẹnẹẹ nị.

Ama Ohomorihi ọ raà mẹ ka Ụhwẹ Ọnịnị ọ̀ sị ịsa ẹnẹẹ zụ̀ ẹyị. Agụvị ka Ụhwẹ Ọnịnị vị eneē sì iruvo avaba ịsa, à hị́ ịsa ana nyịnẹ ana ahịka Ohomorihi kẹnẹ ọ yẹ nị.

Ụ́hwẹ Ọnịnị oni Ohomorihi sị tụ́ ịnị ayị ayị, ayị vị ẹ́ẹhẹ ọnọnị ọ vị. Ọnị ọọ̄ mẹ̀ ka ya yẹ avaba ịsa oni Ohomorihi sị yị ọọhẹ kẹnẹ nị.

M màa kà ịrẹyị dị maa kà enube ọyịza, mẹyị sị ịrẹyọyẹ ọza kụ́ irenu hwere-hwere. Ama Ụhwẹ Ọnịnị ọ́ọ sị ụkata anị zụ̀ wụ nịnị ịnị ịrẹyị ọnị maa kà. Agụvị avọọ ẹdọwụ awụ nịnị ọyị jẹẹ tụ́ ịrẹsụ ịrẹyọyẹ ọza kẹnẹ; ịrẹsụ ụkata Ohomorihi ọ jẹẹ tụ́ nị.