Папулярныя біблейскія вершы з Mjir Rom 6

Падзяліцца

Kamnyar watsəɓər biku an mta, amma cautər Hyel an mpikə na akur wa, atar Kristi Yesu na Mthlakər mburu.

Kamnyar biku aɗi ka duna ata kəra giri wa, kamnyar giri aɗi akira tsawayeri kəra wa, amma akira kətadzər Hyel.

Mdə ku harəmta mburu ata kəma duku ka tsa akwa mtərni, kamnyar tsu apatə Kristi ku thlata akwa mtəmta atar dunar səliyir Tədda, antə mburu ata sə ndzi akwa laku na bilənari.

Giri aɗiya hamta bwayeri ar dza giri aka biku, har ka da ndzi kari kəthlər ar kəmanggarkur wa. Ata vəya ndaga, ka giri hamta kəra giri aka Hyel apa mji na thlata akwa mta ka ləkwa mpika, ka hamta bwayeri ar dza giri aka Hyel kamnyar kəthlər ɓɗakkur.

Tsuwa mburu ku sənda abbər mdə ku kurtə kukwamta halayeri ar mburu ni ata kəma duku ka tsa, kamnyar ka mdə kələmta dunar biku na akwa dza mburu ni. Mdə hara apani kamnyar ta mburu ajaktə ndzi akwa mafakur aka biku.

Antə apani, tar ka giri namtə kəra giri apa giri mtəmtari aka dunar biku, amma ka mpika akwa mwardzi ka Hyel atar Kristi Yesu.

Antə ka mburu pəla mə ri? Ka mburu ləkəma ka hara biku kamnyar ka Hyel ləkəma ka hara ala mburu ɓɗakkur ya? Awa, hun wa! Ai nggukər dza mburu na ar biku ni ku kurtə mti, ka apa madi tə mburu ata jaktə ləkəma akwa harari ri?

Giri aɗi sənda abbər giri an mafar kəlara mdə tə giri ku carɓəla abbər giri ata kələngkər alari wa ya? Apani giri ata mzhi ndzi mafar biku ka tsa mwantə giri akwa mta, wala carɓəla ka giri kələngkər aka Hyel ka tsa mwantə giri akwa hara suayeri na kalkalari.

Amma usa aka Hyel, kamnyar wala tə waci giri mafar biku, kulini giri ku kələngkər ka ɗəffa giri shang aka surthlipə na jirari tə mdə hara ala giri ni. Antə kulini giri ku msəra akwa mafakur aka biku, ka ndzi mafar hara su na kalkal ka jirkur.