Папулярныя біблейскія вершы з လု 6

Падзяліцца

လီၫ.- ဖ့ၪလၫ့ဆၧဆံၭ,ဆၧမိဖ့ၪလၫ့ဆၧလၧနၥံၪလီၫ. ၦမိတိၪ့ဆၧဂ့ၩဘၪစဲၪ, မိဆၪ့လၩ့ထဲၩ့, မိဂံၩဂုလၩ့ မိဎွ့ၩစီၩ့နီၩ့တၭ, မိဖ့ၪလၫ့ဝ့ၫလၧနၥံၪအၥၭနၫၡါ လီၫ.အဂဲးဘဲၫယီၩ ဘဲၫနၥံၪတိၪ့ဖ့ၪလၫ့ဆၧအၥိၭ နီၪ,ဆၧမိတိၪ့ဖ့ၪလၫ့ထဲၩ့နၥံၪလီၫ.

ၦလၧအဂ့ၩနီၪဖီၪ့ထၪ့ဖံၭထၪ့ဆၧအဂ့ၩလၧအ အီၪက့ၪကီၪ့ဝ့ၫလၧအလးဂ့ၩအီၪ လၧအၥၭခံဖၧၩ့တၭ, ၦလၧအအၧၩ့နီၪဖီၪ့ထၪ့ဖံၭထၪ့ ဆၧအၧၩ့လၧအအီၪ က့ၪကီၪ့ဝ့ၫ အလးအၧၩ့အီၪလၧ အၥၭခံဖၧၩ့လီၫ. အဂဲးဘဲၫယီၩ ဘဲၫအဎွ့ၩလၨၪ လၧအၥၭအၥိၭနီၪ အ နိၭထၪ့ဖျ့ၭဝ့ၫ လီၫ.

လၧနီၪအမ့ၬယၫ, နၥံၪအဒုၪအဒၩလဖၪနီၪအဲၪအ ဝ့ၫၥံၪတၭ, မၩဂ့ၩဆၧတၭ, နၥံၪလယိလါဘၪလၧ နၥံၪမိဒိၭန့ထဲၩ့ဆၧနးမံၩ့ဘၪတၭ, ဒုၭအၪ့လီးဆၧ ဆံၭ.နၥံၪမိန့ဘၪနၥံၪအဘိၪ့ဖၭဒိၪတၭ, နၥံၪမိကဲၪ ထၪ့ဆၧထၪ့ထီၫထုၬ အဖိၪခွၫၥံၪလီၫ. အဂဲးဘဲၫ ယီၩအဝ့ၫဒၪနီၪ မၩဂ့ၩၦလၧအလၥ့ၪယၫဘၪဆၧအခိး

ဒဲၦအအၧၩ့ၥံၪလီၫ.- မၩအၥၭဘဲၫနီၪတၭ, ဘဲၫနၥံၪအ ဖါယၫ့ၥၭဆၧအၥိၭ နီၪ,ယၫ့ၥၭဆၧနၥံၪဝ့ၫ ဘဲၫနီၪၥိၭ ဆ့ဆံၭ.

နၥံၪထီးစ့ၩရၫ့ဆၧလဂ့ၩတၭ,ဆၧမိစ့ၩရၫ့နၥံၪဆ့ အ့ၬ.နၥံၪထီးစ့ၩရၫ့စၪဆၧလဂ့ၩတၭ, ဆၧမိစ့ၩရၫ့စၪ နၥံၪဆ့အ့ၬ. ကွဲၪဖျါဆၧဆံၭ, ဆၧမိကွဲၪဖျါနၥံၪအဆၧ

အ့ၪမွဲယဝ့ၫဒၪယီၩ, ယစံၭၦလၧအနါဂၧၫ့ဆၧနၥံၪ ဝ့ၫဒၪယီၩ, အဲၪနၥံၪအဒုၪအဒၩဆံၭ. ၦလၧအမ့ၬ လဲၩနၥံၪလဖၪနီၪ မၩဂ့ၩအဝ့ၫၥံၪဆံၭ. ၦလၧအဆိၪအၧၩ့နၥံၪနီၪ, ဆိၪဂ့ၩအဝ့ၫၥံၪဆံၭ. ၦ လၧအချဲၩ့ ကြၩ့ထမးနၥံၪနီၪ, ဘၩဆိၪဖၪန့အဂး ဆံၭ.

ဘဲၫနၥံၪဆိၫ့ၦၡၩမၩနၥံၪအၥိၭနီၪ,မၩအဝ့ၫၥံၪ ဘဲၫနီၪအၥိၭဆ့ဆံၭ.

ၦလၧအဒဲၩနနိၭဖၩထံၭအယီၩလခီၫနီၪဖ့ၪလၫ့ ဝ့ၫလၧအဝ့ၫလခီၫဆံၭ. ၦလၧအမိမၩန့ဘၪအၥၭလၧ နဖၬဘဲၩ့နီၪ, နၥံၪထီးပဒၩ့အဝ့ၫလၧအမိမၩန့နဆဲၫ့ ဆ့လဂ့ၩ. ကယဲၦလၧအအၪ့ကံၩ့ဆၧလၧနၧၩ လဂၩလါလါ နီၪ,ဖ့ၪလၫ့အဝ့ၫၥံၪဆံၭ. ၦလၧအမၩန့နဆၧနီၪ,နၥံၪ ထီးအၪ့ကံၩ့ကဒၩထဲၩ့လဂ့ၩ.

အဂဲးဘဲၫယီၩ ၥံၪ့ထံၭလၧအဂ့ၩနီၪ,ၥၪထၪ့ဆၧ အအၧၩ့အ့ၬ. ၥံၪ့ထံၭလၧအအၧၩ့နီၪ, ၥၪထၪ့ဆၧအ

ဂ့ၩဆ့အ့ၬ.- အဂဲးဘဲၫယီၩၥံၪ့လထံၭလါလါနီၪ, ၦၥ့ၪ ယၫလၧအဆၧၥၪဒၪဝ့ၫအကၠီၩ့လီၫ. အဂဲးဘဲၫယီၩ လၧဆၧဆူၪအလီၩ့နီၪ, ၦအၪ့ဒ့ၭချိၪ့ဒိၩ့ၥၪဆ့အ့ၬ. လၧ ဆၧဆူၪၡိၬအလီၩ့နီၪ, ၦအၪ့ဒ့ၭစဘံၭၥၪဆ့အ့ၬ.