Папулярныя біблейскія вершы з luka 6

Падзяліцца

hoci taha'vi na mocmo ci cou, 'atesi ahtao'te taha'vi to hamo na muu, a'vinano boemi no meoino peosvʉta, totazʉza ho hoʉtʉtʉkceni, pnanfi na temu peelʉi hafa, ngangcʉngcʉ ho faeni muu. hocimu boemi nomo mainenu ci peosvʉta ho meosvʉtʉ, tesi yaeza titheni nomo totiski ci peosvʉta to hamo ho peosvʉtneni muu.>

'omo ʉmnʉ ci cou; la i'mi to isi a'pʉ'pʉya to 'tohʉngʉsi cimo ʉmnʉ ho peiseafo tomo ʉmnʉ. 'omo kuici cou la i'mi to isi a'pʉ'pʉya to 'tohʉngʉsi ci kuzo ho peiseafo tomo kuzo. 'emo cihi ci cou cuma namo nongcʉngcʉ no 'tohʉngʉsi, 'aeno cuma nate pateafa ta ngayo.>

o'ate maica, temula ngohia na hangʉ, aʉlʉlʉa; hoci yuevaho no peisu na cou, teav'a totea no tasvoveiya. hoci maica tenamula tiou no atngaso ci hnoo, a'vinano tesi 'o'oko to sopepea ci hamo, maica ho lasi ieni no ma'cocacni ci 'tohʉngʉsi ho mi'usni 'ola pef'uhu ho kokuzo ci cou.

temula ma'cocacni, mais'a 'o amomu pepe la ma'cocacni.>

<'otela yʉsvʉtʉ no cou, tesieno o'te yʉsvʉta to hamo na muu; teav'a topci no kuisi na mocmo, tesi o'te topci no kuisi to hamo na muu; temu peteongaso no cou, tesieno peteongasa to hamo na muu.

<at'inghi, 'e mimu tmalʉ ta e'e'u, te'o eʉsvʉta muu, la ngohia na hangʉmu, aʉlʉlʉa 'ola asʉsʉ'no muu; temula tooyokeoi 'ola matkuzkuzo muu, 'inolineni 'ola aokoe'i muu ci cou.

hocimu mici noa yainenu no mocmo ci cou, 'atemueno yaeza yaica na mocmo ci cou.

hocihe t'oplikvi si ciengona ta pinosu, moeza poa t'o'upneni si ciengonasi! hocihe pano te ti'eingi no osko aoskopa, moeza poa tas'upneni na osko as'oya! hoci pano tehe p'enia suu, la faeni; hoci panonte mayo no macucumasu, teav'a usa ho p'eyoveiya.

<'omo ʉmnʉ ci evi o'ate beahci nomo kuzo, 'o kuici evi maezo o'ate beahci nomo ʉmnʉ

na hia ʉmnʉ ho kuzo no evi tee humzi to beahcisi. o'atemu meelʉ yono cʉcʉmʉ ho toa beahci no moezunge, maezo o'ate meelʉ yono cʉcʉmʉ ho toa amcuyu.