Папулярныя біблейскія вершы з Joshuwa 6

Падзяліцца

Chawuta adati kwa Joshuwa, “Nyangana, ndayikha guta la Jeriko m'manja mwako, mazimambo yalene yentse naanyankhondo wamphamvu.

Tsapano anyantsembe wa Mulungu paan'zapitiliza kuliza wunda zawo, wanthu wentse azakuwise, pamwepo mpanda waguta un'zagwelatu pantsi, munthu wentse achipita napaadanyanganana napo.”

Iwe nawankhondo wako muzungunuke guta kabodzi pantsiku yokha-yokha. Muchite tenepo kwantsiku zitanthatu.

Anyantsembe wa Mulungu anomwe atakule wunda zanyanga zamabila patsogolo pa Bhokisi la Chibvano. Pantsiku yachinomwe iwe nawankhondo wako muzungunuke guta kanomwe kentse, anyantsembe alize wunda zawo.

Misuwo yamipanda ya Jeriko ikhakhala idafungiwa, nathangwe lakugopa wana wa Izraeli, palibe akhabvumiziwa kubula panja panango kupita nkati.

Paadazungunuka kachinomwe kentse, anyantsembe wa Mulungu paadazaliza wunda zawo, Joshuwa adakuwa kuwanthu, “Chemelelani, pakuti Chawuta wayikha kale guta limweli m'manja mwanu.”

“Guta limweli nabzinthu bzentse bzili m'mwemo ngabzipelekewe kwa Chawuta, kuti bzichenekewe. Koma hule Rahabhi basi, nawabanja lake waanawo munyumba mwake ansala wamoyo, pakuti adabisa atumiki watidatuma.”