Папулярныя біблейскія вершы з Romains 8

Падзяліцца

Ní ti nyí yii tin kɔkɔ pée bàń bin néeń Unimbɔtee, Unimbɔti cáa kpántí tiŋan ní ki tìì-bi. Bíǹ ní u bɔ́ntì ki lēē ki síiǹ yii bí nīn sá u-yab.

M nyí ibaamɔn poon yii tiba kaa ŋūǹ kí yàkatī dineendi din bí timbi nì ti-Dindaan kansikinee: ŋkúmaaa, dimaŋfalaaa, Unimbɔti tuuŋyaaa, an yaa tí sá abeedambi bin baa wāĺeeyaaa, tin tin poon ti bí kɔŋkɔnneeyaaa, tin bí ki dòońeeyaaa, mpɔndambaaa, an yaa sá tin bí yilpuee nì tin bí taapueeyaaa, an yaa tí sá tiwannáaŋkaal tin kɔkɔ kíǹeeyaaa, báà tiba nì tiba kaa ŋūǹ kí yàkatī timbi nì dineendi din Unimbɔti dī ti-Dindaan Yeesu Kriisitoo pu ki dàkā-tee.

Míǹ mbaantiim ní Circir Fam bí ki tútúǹ-ti ti-wɔfii poon, kun puee taa nyí min máaǹ tí mèèyee, ama Ŋfamee mi-ba yáliŋkí ki jítiǹ anyɔɔbun nín ŋūǹ kí sòoǹ tibɔti tiŋyee ki mèé Unimbɔti ti-pu.

Ti làá gíti lì tibɔti nee pu yii ba dee? Unimbɔti yaa yú ti-boonee, ŋma di gíti ŋūǹ kí ŋá-ti tiba?

Kɔŋkɔnnee, bin nì Yeesu Kriisitoo ŋá ubaantee, dibɔkpil diba kaa ti dɔ̄ ki cí-bi.

Mbimbikpitim nín là tiwan tiŋyee di cāabìń ŋkúm. Circir Fam nín là kun kuŋyee di cāabìń mmaŋfafɔkɔn nì ŋgbansɔŋfi.

Tíǹ kɔkɔ poonee, un néeń-tee tútúǹ-ti ti jáà ki jīǹ ki kúntí tikɔkɔ.

M nyí yii falaa un ti bíi jīǹ ti-yuntiŋu nee kaa wīikí ki bàn̄ Unimbɔti nyooti tin u làá dāá tīī-tee.

Dineendi din Kriisitoo cáá ti-puee, tiba ŋūǹ kí yàkatī ti-kansikinaaa? Falaa di ŋūǹ kí yàkatī-taaa, dinimbinaamandaaa, disàandaaa, ŋkùmaaa, disoolaaa, mbusuaaa, ŋkúm?

Ní Unimbɔti un wāĺ binib pɔbiliŋ poonee béetí kun Ŋfam lèe, di sá yii kun mì mèéyee nóó nì kun Unimbɔti là kí tīī u-yabee ní.

Di sá yii bin kɔkɔwoooo Unimbɔti Fam kpòotēe sá Unimbɔti biyaamu ní.

Bin bin nóó mbimbikpitimee nyàab̀ kí nīn ŋáań tin fáatì-bee ní, ní bin nóó Circir Famee mun nyàab̀ kí nīn ŋáań tin Circir Fam lèe.

Timbi pu ní Unimbɔti kaa tāaǹ úǹ u-ba Jipɔɔn ki dū-u ki ŋá saraa, mana ní u ŋūǹ kí yíí kí taa tīī-ti tikɔkɔ kí kūtì u-Jipɔɔnee pu?

ní Circir Fam mi-ba tùkù ti-pɔbiliŋ poon yii ti sá Unimbɔti biyaamu. Ti nín sá u-biyaamu puee, ti fòol̄ u-gaajawanti. Ti nì Kriisitoo di dāa fòol̄-tì. Ti yaa kpáfì ki jīǹ falaayee, boonee ti nì u di dāa tí fòol̄ tinyool.

Bin nóó bi-bimbikpitim nín là puee sá Unimbɔti nannanliibi ní. Baa sìntīǹ bi-ba ki tìì Unimbɔti marab, kaa pée ŋūǹ gba.

Unimbɔti nín náań tiwan tin kɔkɔee jìkì ki cí ŋwiin ŋun Unimbɔti làá dāá tīī u-biyaamu tinyool báà ŋma ń kée.

Ti nyí yii Unimbɔti wannaaŋkaati gbanti kɔkɔ bí falaa ni áli ki dāa sāā díǹ kii upɔdaan nín yáliŋkí imatiŋween puee.