Папулярныя біблейскія вершы з KENESE, 50

Падзяліцца

A o outou, na fai togafiti e outou ia leaga ai a‘u; a o le Atua, na finagalo ia ia iu i le lelei, ina ia oo ina faaolaina o le nuu e toatele, pei ona taunuu ai i ona po nei.

Ona fai mai lea o Iosefa ia te i latou, Aua ne‘i outou matatau; pe la o a‘u o le sui o le Atua.

O lenei, aua ne‘i matatau outou; o a‘u nei ou te tausi lava ia te outou ma a outou fanau; ona faamatalaloto mai lea o ia ia te i latou, ma tautala lelei mai ia te i latou.

Ia faapea ona outou fai atu ia Iosefa, Ou te aioi atu ia te oe, ia e faamagaloina le agaleaga a ou uso ma la latou agasala, auā na latou agaleaga atu lava ia te oe; o lenei, matou te aioi atu, ia e faamagaloina le agaleaga a auauna nei a le Atua o lou tamā. Ona tagi lea o Iosefa i a latou upu ia te ia

Ona fai atu lea o Iosefa i ona uso, O a‘u nei o le a a‘u oti; a o le Atua, e asiasi mai lava o ia ia te outou, ma aveina ae outou ai le nuu nei i le nuu na tauto ai o ia ia Aperaamo, ma Isaako, atoa ma Iakopo.

Ona fai atu ai lea o Iosefa ia tauto mai le fanauga a Isaraelu, ua faapea atu, E asiasi mai lava le Atua ia te outou; tou te avae foi o‘u ivi ai le mea nei.

Ona oti lea o Iosefa ina ua atoa ona tausaga e selau ma le sefulu; na atualalaina foi o ia e i latou, ma tuu i le atolaau i Aikupito.