Папулярныя біблейскія вершы з ESOTO 8

Падзяліцца

Ua faapea ona fai foi e taulāitu i a latou togafiti faataulāitu, ina ia tutupu ae o ‘utu, a e le mafaia; sa i ai foi o ‘utu i tagata atoa ma manu. Ona fai atu lea o taulāitu ia Farao, O le aao lenei o le Atua; a ua maaa pea le loto o Farao, e lei faalogo o ia ia te i laua, faapei ona fetalai mai ai o Ieova.

Ua fetalai mai Ieova ia Mose, Ina alu ia ia Farao, ma fai atu ia te ia, O loo faapea ona fetalai mai o Ieova; ia e tuu mai lo‘u nuu e o, ina ia latou auauna mai ia te au.

Ua iloa e Farao, ua na maua sina mapu, ona faamaaa ai lea e ia o lona loto, ma na le faalogo ia te i laua, faapei ona fetalai mai ai o Ieova.

Afai foi e te le mafai ona tuu mai o i latou e o, faauta, ou te taia lou nuu uma lava i rane.

Ona fetalai mai lea o Ieova ia Mose, Ia e fai atu ia Arona, faaloaloa ia lou tootoo, ma ta a‘i le efuefu o le fanua, ina ia liu ‘utu i le nuu uma lava o Aikupito.

Ona faapea lava lea ona fai e Ieova, ua oo mai ai garova e tele lava i le fale o Farao, ma fale o ana auauna, ma le nuu atoa uma o Aikupito; ua leaga le nuu ona o le vao garova.