Папулярныя біблейскія вершы з ESOTO 12

Падзяліцца

Auā o le po nanei, ou te ui ane ai i le nuu o Aikupito, ma ou taia ulumatua uma lava i le nuu o Aikupito, o tagata atoa ma manu; ou te faasala foi i atua uma lava o Aikupito; o a‘u lava o Ieova. E fai foi le toto ma faailoga ia te outou i fale tou te i ai, ou te vaai atu foi i le toto, ona ou sosopo ai lea ia te outou; e le oo foi ia te outou le mala e fano ai, pe a ou taia le nuu o Aikupito.

E fai foi lenei aso ma faamanatuga ia te outou, tou te fai ai foi le tausamiga ia Ieova; e faia i a outou tupulaga amuli le tausamiga, o le tulafono e faavavau.

Pe a fai mai foi a outou fanau ia te outou, O le a ea le uiga ia te outou o lenei sauniga? Ona outou tali atu ai lea, O le taulaga o le paseka lenei ia Ieova, o le na sosopo ane i fale o le fanauga a Isaraelu i Aikupito, ina ua fasia e ia o Aikupito, a ua faasao mai e ia i o tatou aiga. Ona punonou lea o le nuu, ma ifo.