Папулярныя біблейскія вершы з 1 Mga Taga-Corinto 12

Падзяліцца

Adunay mga butang nga nagpaila nga ang presensya sa Espiritu anaa sa matag usa ug kini alang sa kaayohan sa tanan.

Busa kamong tanan lawas ni Cristo ug ang usag-usa bahin niini.

Kon ang usa ka bahin sa lawas mag-antos, ang ubang bahin mag-antos usab. Kon daygon ang usa ka bahin, ang tanang bahin makaambit sa kalipay.

Ang Espiritu naghatag ngadto sa usa ka tawo ug mensahe sa kaalam, samtang sa uban naghatag siya ug mensahe sa kahibalo. Usa lamang ka Espiritu ang naghatag ug pagtuo ngadto sa usa ka tawo samtang sa lain naghatag siyag gahom sa pag-ayo sa mga masakiton. Ang Espiritu naghatag ngadto sa usa ka tawo ug gahom sa paghimog mga milagro. Sa laing tawo gihatag niya ang hiyas sa pagsulti sa mensahe sa Dios ug sa lain pa gayod, ang katakos sa pag-ila sa nagkalainlaing espiritu. Sa usa ka tawo naghatag siyag hiyas sa pagsultig lahi nga mga pinulongan ug sa laing tawo naghatag siyag hiyas pagpasabot sa kahulogan sa maong mga pinulongan.

Apan mao rang Espirituha ang naghimo niining tanan. Gihatagan niya ug nagkalainlaing hiyas ang matag tawo sumala sa iyang pagbuot.

Gihimo sa Dios nga ingon niini aron dili magkabahinbahin ang lawas kondili ang tanang bahin niini may samang pagtagad alang sa usag-usa.

May nagkalainlaing mga hiyas apan mao rang Espirituha ang naghatag niini. May nagkalainlaing paagi sa pag-alagad apan mao rang Ginooha ang gialagaran. May nagkalainlaing katakos sa pag-alagad apan usa ra ka Dios ang naghatag ug katakos sa tagsatagsa.

Diha sa simbahan gipahimutang sa Dios ang tanan sa husto nga dapit: una ang mga apostoles, ikaduha mga propeta, ikatulo mga magtutudlo ug kadtong naghimog mga milagro, kadtong gihatagag gahom sa pag-ayo, kadtong gihatagag hiyas sa pagtabang sa uban, kadtong gihatagag hiyas sa pagdumala ug kadtong may katakos sa pagsultig lahi nga pinulongan.

Kay ang lawas dili usa ra ka bahin kondili daghan.

Gikinahanglan hinuon nato ang mga bahin nga atong giisip nga huyang.

Kon ang tibuok lawas pulos mata, unsaon man pagkadungog niini? Ug kon pulos dalunggan ra, unsaon man niini pagsimhot? Ang Dios nagpahimutang sa nagkalainlaing bahin sa lawas sumala sa iyang pagbuot. Wala untay lawas kon usa lamang kini ka bahin.