Папулярныя біблейскія вершы з Акълова 13

Падзяліцца

Аᵸкъиллигъой къацӀо эчейал аᵸкъло мокъос, аьбдаллигъой ваццалъи йо̄вал зарал бахъца.

СикӀо цӀуми йо̄ва руьгьна цӀуми бо̄с, ургъизи ахъечӀе икълашейо пасад ахъца.

ЦӀицӀакьа йакӀо йугъоцас сукӀо – гьинис оьжо атӀаъцас сукӀо ахъца, оьжо аццала – гьули цӀицӀолилъ агъечӀе эчаннейаъас.

Кул бахъийо жо йиᵸхъаъда йакӀо кӀокӀос, йакӀкьа гаьгьийо жо йиᵸхъойолъи оьмролаш мокӀлъилаъ йикъелца.

ЙакӀо йаᵸцойо инсан ималли сапарлиъна цӀуми о̄с, лъаькъейо сукӀо мунагьли лӀийода̄ экилца.

Бигьа йиᵸхъойо бечелъи гьех йолъос, гьаьтеэчена йокӀолло бечелъи – телилъца.

Букъа аьмаллидда̄ла даьъба-йаьже йахъца, аᵸкълова йовахийо аᵸкъилаб ахъца.

КӀетӀа сукӀо къовала къовал муьгъатта̄ ирс бечанне̄ш, мунагьабли сукӀо боцӀи-ризкъи муъмилла̄л гьихлъал бокӀолца.

Аᵸкъилабли оьжди або нисойо йо̄с, йаьгь-ламус гаьччо сукӀо кантӀизи огьдана нисо̄ йохаъас.

Насигьатла йовахаъцала̄кьа кьодо мискинлъина инжитлъина йоᵸкъос, нисойо йохна эᵸкье-гогьцалас гьуьрмат бо̄с.