Папулярныя біблейскія вершы з ಅಪೊಸ್ತಲ 7

Падзяліцца

ಅಯಿಂಗ ಸ್ತೆಫನಂಡ ಮೇಲೆ ಕಲ್ಲ್ ಕನ್‍ಚಂಡಿಪ್ಪಕ, ಅಂವೊ: ಒಡೆಯನಾನ ಯೇಸು ಕ್ರಿಸ್ತನೇ, ನಾಡ ಆತ್ಮತ್‌ನ ಸ್ವೀಕಾರ ಮಾಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ. ಪಿಂಞ ಮೊಣಕಾಲ್ ಇಟ್ಟಿತ್, ಒಡೆಯನೇ, ಈ ಪಾಪತ್‍ರ ಅಪರಾದತ್‍ನ ಅಯಿಂಗಡ ಮೇಲೆ ಇಡತೇಂದ್ ಎಣ್ಣಿತ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್ ಜೀವ ಬುಟ್ಟತ್.

ಪರಲೋಕ ನಾಡ ಸಿಂಹಾಸನ. ಬೂಮಿ ನಾಡ ಪಲೆಯ. ಅನ್ನನೆ ಇಪ್ಪಕ, ನಿಂಗ ಎನ್ನನೆ ನಾಕ್ ದೇವಾಲಯತ್‍ನ ಕೆಟ್ಟ್‌ವಿರ? ಇಲ್ಲೆ, ನಾನ್ ವಾಸ ಮಾಡ್‌ವಕ್ ತಕ್ಕ ಜಾಗ ಏದ್?

ಅಕ್ಕ ಅಲ್ಲಿಂಜ ಜನ, ಅಯಿಂಗಡ ಕೆಮಿನ ಮುಚ್ಚಿತ್, ಜೋರ್‌ಲ್ ಕೂತ್ ಕೊಡ್‍ತತ್. ಒಮ್ಮಕೆ ಎಲ್ಲಾರು ಅಂವೊಂಡ ಮೇಲೆ ಪಾರಿತ್ ಅಂವೊನ ಊರ್‌ರ ಪೊರಮೆ ಬಲ್‍ಚಂಡ್ ಪೋಯಿತ್, ಕಲ್ಲ್ ಕನ್‍ಚತ್. ಅಂವೊಂಗ್ ವಿರೋದವಾಯಿತ್ ಸಾಕ್ಷಿ ಎಣ್ಣ್‌ನಯಿಂಗ, ಅಯಿಂಗಡ ಪೊರಮೆ ಇಡ್‌ವ ಬಟ್ಟೇನೆ ಉತ್ತಿತ್, ಸೌಲ ಎಣ್ಣ್‌ವ ಒರ್ ಬಾಲೆಕಾರಂಡ ಕಾಲ್‍ರ ಪಕ್ಕ ಬೆಚ್ಚತ್.