Папулярныя біблейскія вершы з Tyai Á̱zanson 19

Падзяліцца

Yok zi̱ yet á̱niet a̱sai nfwuo! Yok zi̱ gwai zi̱ nwuak gu shi! Mat jen nyeang Fi̱ng A̱nfwuk ji nyia̱! A̱wot nggwon neam naat nyeang ka tyak a̱gwai na, ka̱ swan a̱ fwuong.

Tazwa a̱toot nggu ka da̱ a̱bwan ntak nggu wu, á̱ si̱ ndyuut a̱lyoot tyok kani, “A̱gwam á̱gwam, ma̱ng A̱tyoli a̱yaatyoli!”

A̱jawa n si̱ ndi Ma A̱gwaza tswazwa ka khwuk, n si̱ kin di a̱sai ntsaai gu yong a̱ja! A̱tyu a̱ nyeak tsaai ji a̱ni, á̱ ngyei nggu “A̱tsotswat” ma̱ng “A̱chuchuk;” mat da̱ a̱chuchuk nvak wa nang gu nnyia̱ shi̱ri̱ya, a̱ si̱ bu ngya zwang a̱tsotswat.

Tswá á̱ghyi nggu ji ya á̱ghyi ma̱ mya̱myat a̱myat nang a̱lya̱ra̱p ndong a̱ni! A̱wot a̱ si̱ kup búng tyok ma̱ a̱di̱di̱t a̱pyia̱ nggu ka! Á̱ si̱ lyuut a̱lyoot da̱ a̱nggu nang a̱yin si̱ mi̱n fi̱k a̱ni bah, si̱ ma̱ nggu ma̱nyin gu! A̱ si̱ kup a̱junjung a̱toot nang á̱ zwup ma̱ a̱sok a̱ni! A̱lyoot tyok nggu ka yet, “Swang A̱lyiat A̱gwaza.”

Tswat ji ya nang gu na nswuo chet a̱mgba̱m nnwap mi̱ bibyin swanta hu a̱ni, si̱ ghwut a̱bwonu nggu ka! A̱ na nyia̱ tyok tazwa mba ma̱ng shan ntswam. A̱ na ghwut ma̱ng a̱tsotswat mwai lyen A̱gwaza, A̱tyu a̱ byia̱ a̱mgba̱m tyok a̱ni; nang a̱sa̱khwot a̱na̱p na̱ tyong á̱ neet da̱ a̱vwuo shyui sum a̱na̱p hu nang gu nshai a̱na̱p wu a̱ni.

A̱wot á̱ si̱ ta̱bat a̱ka̱tuk nyam a̱yit wu ma̱ng a̱ta̱m a̱kwonu nggu wu a̱ nyia̱ a̱cha̱chet nta̱m a̱ri̱bi̱di da̱ a̱kwonu a̱ka̱tuk nyam a̱yit wu a̱ni. Nta̱m a̱ri̱bi̱di nani nia ku laai a̱mgba̱m á̱niet ba̱ san zwunzwuo a̱ka̱tuk nyam a̱yit ji, ma̱ng á̱niet ba̱ kwok ghwughwu a̱ka̱tuk nyam a̱yit wu ntong a̱ni. A̱ka̱tuk nyam a̱yit wu ma̱ng a̱ta̱m bwoi a̱ka̱laa a̱kwonu nggu wu; á̱ si̱ ta mba ma̱ng swuan mami a̱gba̱ndang nga̱ngak ntswa ndong a̱ ya ma̱ng long sa̱lfa a̱ni.