Папулярныя біблейскія вершы з Yakubu 2

Падзяліцца

Ma a̱nia wa, nwuak a̱chuchuk hu ma̱nyin hu di̱ mi̱n nyia̱ a̱tan ta̱m ku maai bah. Ku yet mi̱ kwom hwa ma̱ng a̱buk kyang.

Ma̱nang vam ku sang swuan ngyet kwom a̱ni, ma a̱nia wa nwuak a̱chuchuk ku sang a̱tan nta̱m a̱ni, ndi nang kwom a̱ni.

Nyin á̱niet khwi Yesu ba nang n chat a̱ni, zang kpangti̱n ja nang a̱yin na shya̱ ka̱ a̱ kyiak nyia̱ a̱ nwuak a̱chuchuk, a̱wot da̱nang gu tak hu di̱ nyia̱ a̱tan nta̱m bah? Ka̱ doot tangka̱i nwuak a̱chuchuk a̱hwa ku san a̱yin a?

A kyiak nyia̱ a nwuak a̱chuchuk, mat a nwuak a̱chuchuk nang A̱gwaza a̱nyiung wa nshya̱. Ka a shim nyia̱ a̱nia wa, ku yet a̱sham! Ku á̱ka̱tuk ntswá ba meang, nwuak a̱chuchuk nang A̱gwaza nshya̱. A̱wot ba̱ si̱ tyi̱ri̱m vam a̱zaghyi nggu ma̱ng a̱gba̱ndang a̱wun.

A̱wot ka̱ a̱yin ya fwuang nyia̱, “Á̱ghyang á̱niet tyia̱ fwuo di̱ nwuak a̱chuchuk. Á̱ghyang á̱niet si̱ ma ntyia̱ fwuo di̱ nyia̱ a̱tan nta̱m.” A̱wot n si̱ ndyip, nyia̱, “A na nyia̱ ni wa a ntak nung nwuak a̱chuchuk ang hu, ka̱nang a nyia̱ a̱tan nta̱m bah? Nung, n na tak ang nwuak a̱chuchuk nung hu, mat a̱tan nta̱m nung wu.”

A̱tyu da̱ a̱ fwuong kunak á̱ghyang á̱niet a̱ni bah, A̱gwaza ma na fa̱k kunak gu bah. A̱wot a̱tyu a̱ fwuong kunak á̱ghyang á̱niet a̱ni, A̱gwaza ma na fa̱k kunak gu di̱n jen nang gu na nnyia̱ nggu shi̱ri̱ya a̱ni.

Da̱ nyi li, A̱gwaza bu na kyiak a̱tyubishyi nang a̱tsotswat a̱yin a̱ni da̱ a̱vwuo nggu, mat a̱tan nta̱m ku tak nwuak a̱chuchuk nggu hu a̱ni, a̱wot mat nwuak a̱chuchuk hwa ma̱nyin hu bah.

A li si̱sak nang nwuak a̱chuchuk ma̱ng a̱tan nta̱m Ibrahim wu nchong ndung a̱ni. A̱tan nta̱m nggu wu si̱ tyia̱ a̱ si̱ tak nang nwuak a̱chuchuk nggu hu ngyet a̱jhyem.