Папулярныя біблейскія вершы з 2 Timoti 1

Падзяліцца

Mat A̱za̱za̱rak Ntswa nang A̱gwaza nang zi̱t a̱ni, a̱ yet a̱si̱ tyei nzi̱t a̱wun nia bah. Da̱ a̱kwonu a̱kya, a̱ tyei nzi̱t zi̱ yong mi̱ chet hwa, zi̱ chat á̱ghyang nzi̱t, zi̱ bu chat A̱gwaza, a̱wot zi̱ ta̱bat á̱pyia̱ nzi̱t shansham.

Nggu wa san zi̱t, a̱ si̱ yei nzi̱t zi̱ ka swan a̱za̱za̱rak nswat. A̱ san zi̱t mat kyang nang zi̱ nyia̱ wa a̱ni bah; a̱wot da̱nian la̱p sak gu hwa ma̱ng shok nggu ji. A̱ ku nyia̱ zi̱t shok jini da̱ a̱vwuo Kristi Yesu, neet nang á̱ ka̱n mat swanta hu bah.

Huhwa mbyia̱, n chat n jhyung ang a fuut za̱nang chet ang ji shansham. Za̱nang chet ji nang A̱za̱za̱rak Ntswa A̱gwaza ku nang ang nang n ku nsak ang mbwak di̱n jen nwuo ta̱m ang ji a̱ni.

Mat a̱nia, yok fa̱k nsum di̱ shei A̱sham nkhang Yesu ka bah. A̱wot a bu yok fa̱k nsum nung nang n shya̱ mi̱ khwo hu da̱nian nggu a̱ni bah. Da̱ a̱kwonu a̱kya, nyi gbang a̱lyia̱ di̱ swuo a̱bung hu dundung mat A̱sham Nkhang Yesu mami chet A̱gwaza hu.

Huhwa mbyia̱ nang n swuo a̱bung kani. A̱mgba̱m ma̱ng a̱nia, n fa̱k nsum bah. Mat n dyen a̱tyu nang n nwuak fwuo da̱ nggu a̱ni. A̱wot n bu ngbang a̱lyia̱ a̱ maai a̱ chok A̱sham Nkhang ka nang nggu tyia̱ nung ndyo mbwak a̱ni, si̱ nat mam hu nang gu na mbwuok a̱ bai a̱ni.