Папулярныя біблейскія вершы з 1 A̱korontiyawa 6

Падзяліцца

Nyi ka̱n fi̱k nang nvam nyin na ngyet a̱li A̱za̱za̱rak Ntswa kya baa? A̱za̱za̱rak Ntswa wu swan mami nyin, a̱wot A̱gwaza wa nang nyin nggu baa? A̱wot nyin bya, byia̱ á̱pyia̱ nyin bah, mat A̱gwaza wa san nyin, a̱ si̱ tan ma̱ng a̱tsatsak nzang. Mat a̱nia, ku yet ta hwa nyi tyei nvam nyin na na̱ nwuak A̱gwaza shi.

Nyi lyen da̱nang á̱ka̱tuk á̱niet na nshya̱ gado mi̱ Tyok A̱gwaza hu bah, ka̱ni? Nyi yok laai pyipyia̱ nyin bah: Á̱niet ba̱ nyia̱ a̱shi̱shi̱k nyia̱ a̱ni; ku á̱niet khwi nghwughwu a̱yaagwaza sang swuan; ku á̱niet katnaan; ku á̱tyok ba̱ lyiai pyipyia̱ mba nang khám a̱ni da̱ a̱vwuo á̱tyok á̱ghyang; ku á̱tyok ba khwat ma̱ng á̱tyok mbeang á̱nyiuk ba̱ khwat ma̱ng á̱nyiuk a̱ni; ku á̱tang; ku á̱niet wuwok di̱ chat nkyang swanta; ku á̱niet hyeng a̱kan; ku á̱niet fwoi á̱niet; ku á̱niet ba̱ shyuo á̱ghyang a̱ni; á̱ mbyia̱ a̱yin ma̱ mba a̱ na shya̱ gado mi̱ Tyok A̱gwaza hu a̱ni bah.

Nyi tyong nyi ghwon a̱shi̱shi̱k nyia̱! Á̱ mbyia̱ a̱ka̱tuk nyia̱ a̱ghyang a̱ byian vam a̱tyubishyi nang a̱shi̱shi̱k nyia̱ a̱ni bah. Mat a̱shi̱shi̱k nyia̱ yet a̱ka̱tuk nyia̱ wa tazwa vam a̱tyubishyi.

Á̱ ni̱ nyia̱, “Á̱ shim zi̱t ndyo, zi̱ nyia̱ kuzang kyang.” A̱wot nung n nyia̱ kuzang kyang hwa na yet nyin a̱tan bah. Ku nang á̱ ni̱ nnyia̱, “Á̱ shim zi̱t ndyo, zi̱ nyia̱ kuzang kyang a̱ni.” Nung, n nyia̱ n si̱ mi̱n mak yet a̱khwo kuzang kyang bah.

A̱wot A̱gwaza na ta̱ngam nvam nzi̱t na ma̱ng swuan ma̱ á̱niet ba̱ ka̱n kwi a̱ni, ma̱nang gu ku nta̱ngam A̱tyoli nzi̱t wu Yesu ma̱ng swuan ma̱ á̱niet ba̱ ka̱n kwi a̱ni.