Папулярныя біблейскія вершы з Semtilbu 50

Падзяліцца

Ahin nangho vangin kachunga hi thilgilou bol nagotnu anahin; ahinla hichu Pathen'in tunikho-a bang ngeija hi mitamtah hinkho huhdoh-a aumna dinga apha dinga anagot ahijoi.

Chuin Joseph'in ahenguva, Kicha hih-un: ajehchu keima Pathen khela kitung kahi mongem?

Hijeh chun tun, kicha hih-un; keiman nangho le nachasenhou vahnang kate, ati. Chuin aman amaho chu alhamonin, damheochan ahouvin ahi.

Hitia hi Joseph henga nasei dingu ahi, Nahenga katao ahi, nasopite suhkhelna le achonsetnao ngaidamin; ajehchu amahon nachunga thilgilou anaboltaove, tin aseije. Chule tun nahenga kataovu ahi, Napa Pathen sohteho suhkhelna chu ngaidamtan, atiuvin ahi. Chuin amahon ahenga hichu aseiphatnun Joseph akaptan ahi.

Chule Joseph'in asopite henga, Kathiding ahitai; ahin Pathen'in nahungvil tei dingu ahin, hiche gama kona hi napui doh uva, Abraham, Isaac chule Jacob henga ana kihahselna gama chu napui tei dingu ahi.

Chuin Joseph'in Israel chate chu akihahsel sah-in, Pathen'in thonlouva nahung vil dingu ahin, chutengle kagu hohi hia konahi napoh tou dingu ahi, ati.

Hitichun Joseph chu kum jakhat le kum som alhinin athitan ahi. Chuin amahon along chu amonthei louna din asemun, Egypt gamsunga thikong sunga akoitaove.