Папулярныя біблейскія вершы з Genese 35

Падзяліцца

Kua tuatua maira te Atua kiaia, Ko au te Atua Mana katoatoa; ka akakatiri, e kia maata: e iti-tangata katoa, e manganui ua atura te iti-tangata te ka tupu ia koe, e e ui ariki taau e anau. E te enua taku i oronga atu kia Aberahama, e kia Isaaka, ko taku ïa e o atu noou, e no toou ra uanga i muri ake ka o atu ei au i taua enua ra.

E tu tatou, e aere ki Betela; e naku e akatu i tetai atarau i reira na te Atua, ko tei akarongo mai iaku i te rā i tumatetengaʼi au ra, e ko tei vaitata mai kiaku i taua aerenga noku ra.

Kua tuatua maira te Atua kiaia, Ko Iakoba toou ingoa: kare toou ingoa e tuatua akaouia ia Iakoba, ko Iseraela ra toou ingoa: kua tapa iora aia i tona ingoa ko Iseraela.

Kua tuatua mairā Iakoba ki tona ngutuare, e te au tangata katoa ki ona ra, Ka akaruke i te au atua ke ke i roto ia kotou, ka tamā ana ia kotou, e kakau oki ki te kakau ke

KUA tuatua maira te Atua kia Iakoba, Ka tu, ka aere ki Betela, ka noo atu ei ki reira; ka akatu i tetai atarau i reira na te Atua, ko tei mama mai kia koe, ka oro ei koe i te mata o toou tuakana ra ko Esau.

E vaitata akera aia i te rere, mate roa akera oki aia, tapa iora aia i tona ingoa ko Benioni: tapaia iora ra aia e tona metua tane ia Beniamina