Папулярныя біблейскія вершы з Tio 26

Падзяліцца

Pet ¡itzʼloqvaq ex! Tul natxhvaq Tiuxh, echetz yeʼ laʼ ekuʼe t-paʼv. Tan nuqxhtuʼ uvaʼ ayaʼlxh ikʼuul vetaanxelal tiʼ inatxhax Tiuxh, pet vetxhiʼoʼl, tan yeʼ nik itxʼoleʼ, —xeʼt Jesuus.

Tul ech tal Jesuus s-te s-eche: —Valxh u mam txumuʼm at t-vaanima. Tul tetxhal vet vopoon vatz u kamchil s-tuchʼ. Pet atoq ka ex tzitza. Tul natxhvaq Tiuxh. Tul itzʼloqvaq ex, —xeʼt Jesuus.

Bʼiiletz kuxh ijetxh bʼen tibʼ Jesuus, tul ijoqbʼa vet kuʼ tibʼ vatz txʼavaʼ tiʼ inatxhax Tiuxh. Tul ech tal Jesuus s-eche: —InBʼaal Tiuxh, yeʼl koq in laʼ pal in tu mam kʼaxkʼo nik valeʼ. Poro jit aʼ laʼ abʼan kam uvaʼ nik valeʼ. Pet aʼ abʼan kam uvaʼ nik eetzʼa s-viʼ, —xeʼt Jesuus.{*}

Tan aʼ vinkaqale uvaʼa, uvaʼ toq jeqbʼan ka [u akʼla inyol] sexoʼl, vinkaqal uvaʼ toq eloq tiʼ ikuy sotzsal el vipaʼv inqʼa xaol s-kaqaayil.

Tuulbʼaletz uvaʼs nikich itxʼaʼon Jesuus tuchʼ inqʼa nikich itxhus tibʼ s-kʼatza, tul tiqʼo tzaan Jesuus vaʼl u paan. Yaʼne taqʼ Jesuus taʼntiuxh te quBʼaal Tiuxh s-tiʼ. Tul ijatx Jesuus u paan s-tuul. Tul taqʼ Jesuus te inqʼa nikich itxhus tibʼ s-kʼatza. Atz ech tal Jesuus s-eche: —Kʼulvaq u paan. Tul txʼaʼvaq, tan aʼ vintxhiʼoʼle uvaʼa, —xeʼt Jesuus.

Yaʼne tiqʼo tzaan Jesuus u koopa. Tul taqʼ Jesuus taʼntiuxh te quBʼaal Tiuxh s-tiʼ. Atz taqʼ Jesuus te inqʼa nikich itxhus tibʼ s-kʼatza. Tul ech tal Jesuus s-eche: —Ukʼavaq u aʼ, uvaʼ tu koopa, sekaqaayil.

Yaʼne qʼaʼv Jesuus kʼatz oxvaʼl inqʼa nikich itxhus tibʼ s-kʼatza. Tul vatyaqiche s-tul Jesuus. Tul ech tal Jesuus te Luʼ, te Jakoovo, atz te Xhun s-eche: —¡Mij qat etxʼol vaʼq oora uvaʼ itzʼlel koq ex sinkʼatza!

Poro toq val sete uvaʼ: Yeʼl inpaqt laʼ vukʼa u taʼl uuva setuchʼ. Pet laʼ nal opoon u qʼij uvaʼs laʼ qukʼult qibʼ tal uvaʼ nibʼanvat vinBʼaal iqʼesalil. Yaʼne laʼ vukʼa setuchʼ inpaqte, —xeʼt Jesuus.{*}

Yaʼne ul vet inqʼa iyol Jesuus s-kʼuul Luʼ uvaʼ ech tal Jesuus s-eche: —Maʼtetz aalt oxpaqul uvaʼ: «Yeʼ vootzaql Jesuus,» toq aal s-viʼ. Yaʼne laʼ oqʼ val u mam kaxhan, —xeʼt tul s-kʼuul Luʼ. Yaʼne el vet ul Luʼ. Tul mam oqʼel ibʼan vet Luʼ t-kʼayunchil.

Pet ¡lakpoq ex, tul koʼvaq! Tan ¡il naq uvaʼ toq oksan in tiqʼabʼ inqʼa iqʼesal uqʼeʼybʼal tul veteʼ! —xeʼt Jesuus.

Yaʼne ech tal Jesuus s-eche: —Aqʼ bʼen vaespaada t-tatibʼal. Tan jatvaʼlxh u xaol uvaʼ espaada laʼ taqʼ tiʼ imol, tul antxh espaada laʼ tatxhi.