Папулярныя біблейскія вершы з Tio 18

Падзяліцца

Tan tal kʼulel tibʼ kaʼvaʼl, atz oxvaʼl s-viʼ, tul atetz in s-xoʼl laʼ ibʼana, —xeʼt Jesuus.

Tul toqat val sete: Oq at kaʼvoʼq ex laʼ ebʼan eela eyol tzitza vatz u txʼavaʼ tiʼ etabʼit kamxh invaʼq te vinBʼaal Tiuxh t-amlikaʼ, tul laʼ ibʼana.

Yaʼne isikʼle tzaan Jesuus val u nitxaʼ. Tul ikʼutxh Jesuus xoʼl inqʼa nikich itxhus tibʼ s-kʼatza. Tul ech tal Jesuus s-eche: —Nuqxh toq val sete: Oq uvaʼ yeʼxh laʼ motx ejalpu vetxumbʼal, tul oq yeʼ laʼ ebʼan, eche vitxumbʼal u nitxaʼ uvaʼa, tul tira yeʼ laʼ utxh etok tal uvaʼ nik ibʼanvat quBʼaal Tiuxh viqʼesalil.

Pet jaʼl ex, uvaʼ laʼ etiqʼo kuʼl etibʼ, tul laʼ etaqʼ bʼen etibʼ s-eche vitxumbʼal u nitxaʼ uvaʼa, tul aʼetz quBʼaal Tiuxhe nik bʼanon vet iqʼesalil tetaanima, u quBʼaal Tiuxh, uvaʼ tu amlikaʼ. Tul aʼetz exe, palnaʼq vet etiqleʼm laʼ ibʼan xoʼl inqʼa xaol.{*}

Tul bʼaʼn uvaʼ at etaanima tiʼ inqʼa niman vetz laʼ ibʼana, tul laʼ motx ekʼula, kʼuxh yeʼl invaʼq tiqleʼm vatz inqʼa xaol, atz kʼuxh ech kuxhte vaʼq tal nitxaʼ s-vatz. Jaʼletz uvaʼ ech laʼ ibʼane tiʼ ikʼulux vaʼq u niman vetz, tul inetze nik ikʼul in.

Tul nuqxh toq val sete: At etiqleʼm tiʼ toksal inqʼa xaol t-bʼey. Jatvaʼletz inqʼa xaol uvaʼ laʼ niman inqʼa laʼ etala, tul chiteletz veteʼ. Tul atetz tokebʼal tiʼ tilix u mam bʼaʼnil tu amlikaʼ. Pet jatvaʼl inqʼa xaol uvaʼ yeʼ laʼ niman inqʼa laʼ etala, tul qitzeletz veteʼe. Tul yeʼletz tokebʼal tiʼ tilix u mam bʼaʼnil tu amlikaʼ.

Echatetz kuxh laʼ ulbʼel exe taʼn vinBʼaal, uvaʼ tu amlikaʼ, oq jitxh ayaʼl ekʼuul laʼ ekuy ipaʼv inqʼa emol tiʼ inqʼa yeʼbʼaʼn uvaʼ laʼ motx ibʼan sete, —xeʼt Jesuus.

Pet jaʼl uvaʼ laʼ txhokon ikuʼ t-paʼv vaʼq uvaʼ yaʼn kuxh tok tiʼ vinyolbʼal, uvaʼ ech kuxh tatin, eche vaʼq nitxaʼ, tul aʼ ikʼulel uvaʼ laʼ txhʼunbʼal bʼen vaʼq nimla sivan tiqul. Tul laʼ kʼonil bʼen jaqʼ u mam aʼ. Tul tzitzi laʼ jiqʼbʼik ka, tul laʼ kameʼl. Tan jit aʼ ikʼulel uvaʼ laʼ itzʼeʼvi.

Echetz abʼivaq val u yol uvaʼ toq val sete: Tan oq at invaʼq vinaq uvaʼ at oʼ kʼalal (100) ikarneʼl, tul oqetz laʼ tzʼeqx ka invaʼq, tul tetxhal kuxh laʼ taqʼ ka u vinaq bʼelelavat toʼkʼal (99) inqʼa ikarneʼl. Tul laʼ qʼaʼv tiʼ itxhokox u karneʼl uvaʼ laʼ tzʼeqx ka.