Папулярныя біблейскія вершы з لَاتَانٛوجِ 39

Падзяліцца

جَوْمِرَاوٛ وٛنْدِ بٜى يُوسُڢُ، حٛکِّ طُمْ سَاعَ ندٜرْ کُوطٜ مُمْ ڢُو؞ عٛجٛوطِ ندٜرْ سَارٜ ݠٛتِڢَرْ جَوْمِيکٛ مِصْرَاجٛ؞

ݠٛتِڢَرْ حَلْڢِنِ يُوسُڢُ کٛ عٛمَرِ ڢُو؞ عٛسُکْلَنَايْ کٛو طُمٜ، سٛنَا ࢩَامْدُ ندُ عٛࢩَامَتَ؞ يُوسُڢُ عٛ بٛوطّٛ، عٛ نغَرْنِيطٛ؞

عٛحَلْڢِنِ حَࢡَّاࢡٜ ندٜرْ سُودُ ڢُو حَا جُنغٛ يُوسُڢُ؞ کُوغَلْ کُووٜتٜىٰنغَلْ تٛنْ ڢُو، کَنغْکٛ عَرْدَنِ طُمْ؞

عٛنَنغِ يُوسُڢُ، عٛنَسْتِنِمٛ ندٜرْ ڢُرْسِنَ حَا نٛکُّورٜ ندٜ ࢡٜمَࢡَّتَ حَࢡَّاࢡٜ لَامِيطٛ؞ يُوسُڢُ جٛوطِ تٛنْ؞ عَمَّا جَوْمِرَاوٛ طٛنْ وٛنْدِ بٜى يُوسُڢُ، عٛوَنغِنَنِمٛ مبٛوطٜىٰنغَ مَاکٛ، حٜࢡْنِ مٛعّٜرٜ حَا مَوْطٛ ڢُرْسِنَ؞

ࢩَلْطٜ سٜطَّ ࢡَاوٛطٛنْ، دٜبّٛ جَوْمِيکٛ ڢُطِّ لَارُغٛ مٛ بٜى سُونٛ؞ عٛوِعِمٛ‏: «وَالْدُ بٜى عَمْ‏!» عٛسَلِ، عٛوِعِ دٜبّٛ جَوْمِيکٛ‏: «ندَا، جَوْمَمْ سُکْلَنْتَا کٛو طُمٜ ندٜرْ سَارٜ مُمْ؞ عٛحَلْڢِنِ يَمْ مَرْدِ مَاکٛ ڢُو؞ وَلَا ࢡُرْدُطٛ يَمْ مَنغُ ندٜرْ سَارٜ ندٜعٜ؞ عٛحَطَايْ يَمْ کٛو طُمٜ، سٛنَا عَنْ، نغَمْ عَ دٜبّٛ مَاکٛ؞ نٛيْ مِوَطَتَ حَلّٜىٰندٜ مَوْندٜ ندٜعٜ، مِوَطَ حَکّٜ حٜىٰدِ اَللَّه؟»

ࢩَنْدٜرٜ وٛطْندٜ يُوسُڢُ نَسْتِ سَارٜ حَا حُووَ کُوغَلْ مُمْ؞ حُووٛوࢡٜ ندٜرْ سَارٜ نغَلَا تٛنْ؞ دٜبّٛ غٛ نَنغِمٛ نغَݠَلٜىٰوٛلْ، وِعِمٛ‏: «وَالْدُ بٜى عَمْ‏!» يُوسُڢُ عَشِّ نغَݠَلٜىٰوٛلْ مُمْ حَا جُنغٛ مَاکٛ، دٛغِّ، وُرْتِ يَاسِ؞