Папулярныя біблейскія вершы з Apocalipsis 16

*“Tsjehéra, janhan la titàya̱ tsjasé éxi ijnko xíche̱e. Díos sincheñao ti nkexro tjejótsjehe la ko tꞌayakohen ti iké kixin chrókꞌuájihya tjóchín la chrókósuèhya kixin chrókónoxín kixin tjóchín sin.”

*A̱ndá ti njonxi̱n ángel kꞌuitjí ti nkehe tjiá ti copa chritaón ti nda̱río ijié itꞌin Éufrates. La ti nda̱río la kjui̱xé la xitje̱he̱ ijnko nti̱a tsji̱xi̱n ti sin rey tsji̱xi̱n ti tji̱to̱xi̱n ña̱o.

Tíha mé ncha̱kuén jínahña kjua̱ko̱xi̱n kjuaxroan ijié. A̱ndá tíhi kjuínchenkotsé kaín ti sin rey siín chjasintajni kixin tsjajo̱n sin ti ña̱o kuènté ti Díos chónta kaín kjuachaxin.

Ndá kꞌuíkua̱n kixin irꞌua ti dragón la ko irꞌua ti iko ijié la ko irꞌua ti profeta nduáhya tjako mé kꞌuaxrjexín iní ncha̱kuén jínahña tsjehe éxi korána.

Ndá kaín chojni chjánxin ti xrohi kuènté ti ña̱o, la kjónté xi̱kaha, la kjuinkíhya sin ti nkehe tjenka̱yáxin sin la kjuikosáyehya sin Díos, la ícha kꞌuándaxíhi̱n sin ti nkexro chónta kaín kjuachaxin.

*Ndá sákjuí ti ángel sa̱oxín, la kꞌuitjí ti nkehe tjiá ti copa chritaón chjasintajni. Ndá kaín ti chojni chónta ti xro̱ye kuènté ti iko ijié la ko tjikosáyehe ti nkehe tsíkjano̱ña mé kꞌuaña sin to̱sóa, la imá tjoté la ko ixra.

*La ti ncha̱kuén jínahña mé kjuínchenkotsé ti sin rey ti ijna̱ kuènté Meguido, mé ngiva Hebreo la itꞌin Armagedón.